E fundit!

14:43 Politikë

Reforma Territoriale/ PD kërkon shtyrjen e afatit të komisionit

Komisioni i Posaçëm për Reformën Administrativo-Territoria...

Analisti Lutfi Dervishi: Mbyllja e Tik Tok nuk do të zgjidhë problemet

24 Dhjetor 2024, 22:33, Aktualitet CNA

Analisti Lutfi Dervishi ka deklaruar se mbyllja e Tik Tok-ut nuk do të zgjidhë problemet me të cilat përballen të rinjtë sot.

Sipas analistit duhet ndërhyrja në sistemin e edukimit të të rinjve, pasi mbyllja e Tik Tok as nuk do përmirësojë renditjen në sistemin “Pisa” dhe as do rrisë cilësinë edukative të të rinjve.

Intervista në studio në emisionin “A show”

Krasta: A të duket vendimi për të mbyllur tik tok i drejtë dhe kemi të bëjmë me një shqetësim të çiltër?

Dervishi: Le të supozojmë se është një veprim i drejtë dhe një veprim i çiltër. Nëse do të ishte i tillë, lind pyetja: Ky është problemi që ne kemi? Tik tok është ai që na i krijon? Çfarë sjellim çfarë zgjidhim. Ka një shqetësim për praninë online, për rrjetet sociale për gjuhën e urrejtjes, për shkarkimin e streseve, të gjërave më të keqija të natyrës njerëzore, për anonimatin , por kjo është bota në të cilën që po jetojmë. Shkëputja e internetit pak më parë ndoshta ishte një sinjal për të thënë, por hajt ta heqim fare që mos kemi nga katro probleme sociale. Tjetra çfarë është Shqipëria, novatore në këtë fushë...

Krasta: Shqipëria se ka problem mbylljen e Tik Tok, ajo mbylli kishat e xhamitë, këtë e kemi bukë me djathë ne..... Personalisht skam as llogari në Tik Tok, por në Tik Tok na qenkan disa individë që pompojnë idenë se të marrësh drogë është e jashtëzakonshme. Në tik tok, fëmijë të vegjël 12 vjeçarë nxjerrin pistoleta, thika si të Rambo, duke thënë që ne jemi të fortët!

Paska zënka në Tik Tok mes çetës së Astirit me çetën e Saukut si në 1915-ën. Domethënë këto gjëra të tmerrshme ndodhin në Tik Tok. Pra në qoftë se Shqipëria e ka të ulur, të shkatërruar sistemin edukativ në të gjithë sistemin e shkollave, ka një banditizëm të madh, ka një mungesë edukate të përgjithshme në vend. Dhe paska një vend që si “shrajn”, potencon karakteristikat më të këqija njerëzore, por le të mbyllet ajo ska ndonjë gjë, do kishte thënë dikush?

Dervishi: Patjetër, po unë do thoja që sa mirë është që t’i shohim, ti identifikojmë dhe ti mbajmë nën mbikëqyrje. Se nuk është vetëm Tik Toku, është Snapchat, ëshët darkëeb siç thonë. Pra nuk ka asnjë garanci se ti ke hyrë në një parajsë dhe në anën tjetër janë djajtë.

Pra ëngjëjt janë në Instagram dhe Facebook dhe djajtë janë në Tik Tok dhe Snapchat. Pra nuk është zgjidhje mbyllja por edukimi. Pra ajt të diskutojmë sistemin e edukimit, ajt të diskutojmë masat që duhen marrë, ajt të diskutojmë se si prindi duhet ta mbrojë fëmijën.

Mirë dakort shqetësimi juaj për fëmijët është legjitim dhe hajt ta mbyllim, po për prindërit? Se bëhet fjalë për ta mbyllur për të gjithë, dhe nuk ka gjë që të shijon më shumë se gjëja ndaluar. Në rast se ti do të tentosh ta mbyllësh nuk e mbyll dot.

A i mbylle dot bastet online? Bëre një ligj, vure gjoba lëshove policinë a i ndalove dot? Pra je një vend ti që shkëlqen në ato që thua?. E ndalove dot duhanin në ambientet publike qelbet Tirana, kudo që të shkosh? E zgjidhe gjë problemin e qeseve plastike, që bëri fushata vure gjoba e më the e të thashë. Nuk është kjo zgjidhja por ne kemi rënë në grackën e kësaj narrative, ta mbyllim mos e mbyllim.

Dhe ja e mbyllëm a zgjidhim gjë. Kjo është premisë e gënjeshtërt, sepse nisi ditën që ndodhi ngjarja tek shkolla “Fan Noli” që s’kishte lidhje me këtë. Dhe si mundet që mbi një premisë të gënjeshtërt të fillojmë e të gjejmë argumenta se përse duhet mbyllim. E dyta, çdo të thotë e mbyllim për një vit, çfarë riedukim është ky për një vit.

Çdo prind mund të kontrollojë çfarë programi do shohë fëmija në celular, sa do e shohë, kur do e shohë. Nga pikëpamja teknologjike çdo gjë është e zgjidhshme, nëse ti e sheh problemin për ta zgjidhur jo thjeshtë për ta mohuar. Do ta zgjidhë renditjen në Pisa, vitin tjetër që vjen mbyllja e Tik Tok.

Por aty ti mund të gjesh dhe mrekulli, aty mund të gjesh edhe gjëra për librat, për inteligjencën artificiale, gjëra për të qeshur, këngë shumë të bukura. Ç’është kjo arsye... Janë 1.5 milionë përdorues nga Shqipëria, të gjithë po bëjnë aktivitet kriminal atje, po çedukohen.