web counter
LEXO PA REKLAMA!

SHKARKO APP

App Store
Google Play

E fundit!

x

FOTOLAJM- Pensionistët, në radhë për lëmoshën e Bashkisë së Tiranës

29 Dhjetor 2024, 12:07, Aktualitet CNA

FOTOLAJM- Pensionistët, në radhë për lëmoshën e

Sot pensionistët kanë mbushur kioskat në rrugët e qytetit, duke pritur në radhë për lëmoshën e dhënë nga kryebashkiaku Erion Veliaj.

CNA ju sjell një pamje nga një kioskë në kryeqytet ku shihen një grup pensionistësh që presin në radhë për të marrë abonetë, pasi kryebashkiaku u premtoi se nga 1 janari transporti publik për këtë kategori do të jetë falas.

Në fakt, prej vitesh, Erion Veliaj i ka mashtruar pensionistët për transport publik falas.

Gënjeshtrat e tij kanë qenë aq të shumta saqë vite më parë u premtonte transport falas pensionistëve, ndërsa në një nga deklaratat e tij në 19 prill të vitit 2023 deklaronte në Shkodër se nuk bënte dot transport publik falas.

"Ta provojnë o vëlla, ata një linjë kanë e s'e bëjnë dot falas. Sepse po të na provojnë që funksionon, e bëjmë edhe ne. Për sa kohë që njerëzit nuk gënjehen më dhe për sa kohë që njerëzit kanë kuptuar që qyl nuk ka, vetëm me punë mund të bëjmë gjithçka", shprehej Veliaj.

Pasi ka mashtruar dhe ka tentuar t'u hedhë hi syve qytetarëve për transportin publik, herë duke premtuar se do të jetë falas, herë duke vjedhur tezat dhe skemat e kundërshtarëve të tij politik, sot Erion Veliaj i lë pensionistët në radhë për të marrë lëmoshën e dhënë si një premtim elektoral./ CNA





Lajmet e fundit nga