E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Fluksi i emigrantëve në pikat kufitare/ Ministri Hoxha: Janë marrë masat

29 Dhjetor 2024, 12:55, Aktualitet CNA

Fluksi i emigrantëve në pikat kufitare/ Ministri Hoxha: Janë

Ministri i Brendshëm, Ervin Hoxha, është ndalur ditën e sotme në Pikën Kufitare të Kakavijës ku ka zhvilluar një takim dypalësh me punonjës të doganës shqiptare dhe asaj greke.

Qëllimi i vizitës ishte mbarëvajtja e fluksit të udhëtarëve përgjatë këtij fundviti.

Në fjalën e tij ministri Hoxha, në pronocimin për mediat, zbuloi detajet e këtij takimi, i cili ishte pa praninë e kamerave.

Hoxha tha se kanë pasur një bashkëpunim të mirë dypalësh për të evituar radhët kilometrike që kanë qenë prezente pothuajse çdo vit në këtë pikë kufitare.

Ndryshe nga vitet e mëparshme situata është paraqitur më e qetë lidhur kjo edhe me statistikat që i janë ofruar nga kjo doganë.

Ndërkaq Hoxha është pyetur nga gazetarët lidhur me pagat e punonjësve të policisë, vonesës së tyre dhe shpërblimit për të cilat ai ka thënë se është në dijeni.

Në këtë takim ministri Hoxha ka qenë i shoqëruar edhe nga kreu i Policisë së Shtetit, Ilir Proda.

“Sot bashkërisht me drejtorin e Policisë së Shtetit dhe Drejtorin e Departamentit të Policisë Kufitare vizituam Pikën e Kalimit Kufitar Kakavijë.

Pata mundësinë të takoj edhe drejtuesit e Policisë Greke, me të cilët ndava disa shqetësime. Javën që kaloi kam pasur një bisedë me ambasadoren greke mbi planin e masave për të përballuar fluksin e qytetarëve shqiptarë gjatë kalimit në pikat e kalimit kufitar Kakavijë dhe të tjera. Konstatoj që masat janë marrë për përballimin e këtij fluksi.

Bashkë me drejtuesin e policisë greke vizituam dhe Qendrën e Koordinimit, e cila është ngritur në zbatim të marrëveshjes ndërqeveritare, funksionon si e tillë, me forca të përbashkëta midis policisë shqiptare dhe policisë greke.

Gjej rastin të falënderoj edhe përfaqësuesit e FRONTEX-it. Aktualisht në bazë të marrëveshjes që kemi nënshkruar mes FRONTEX-it dhe qeverisë shqiptare për migracionin e paligjshëm, kemi pasur suksese në nivele shumë të mira. Migracioni i paligjshëm është ulur deri në masën 60% dhe vazhdojnë shërbimet.

Jemi këtu edhe njëherë për të qenë sa më pranë qytetarëve. Shfrytëzoj rastin për t’iu uruar qytetarëve shqiptarë “Gëzuar festat”! Të zbatojnë udhëzimet e Policisë së Shtetit gjatë kalimit në pikat e kalimit kufitar.

Po ashtu, edhe gazetarëve që ishin këtu sot me ne, për të bërë të mundur përcjelljen e lajmeve. Falë jush lajmi bëhet edhe më i vërtetë e dëshiroj dhe juve t’ju uroj festa të gëzuara!”, tha ndër të tjera ministri Hoxha.