web counter
LEXO PA REKLAMA!

SHKARKO APP

App Store
Google Play

E fundit!

x

Saga e fluturimit Hamburg-Prishtinë/ AACK jep sqarime

29 Dhjetor 2024, 13:59, Aktualitet CNA

Saga e fluturimit Hamburg-Prishtinë/ AACK jep sqarime

Autoriteti i Aviacionit Civil të Kosovës ka dalë me një sqarim lidhur me fluturimin e djeshëm Hamburg-Prishtinë.

AACK thekson se në bord ishin 155 udhëtarë dhe është detyruar të aterojë në Beograd për shkak të disa problemeve teknike. 

"Fluturimi i planifikuar nga Hamburgu për në Prishtinë nga operatori ajror ‘Eurowings’ (Flt.Nr. EW5704), i nisur në ora 14:30 me 155 udhëtar ne bord, për shkaqe teknike është detyruar të ulet në aeroportin ‘Nikola Tesla’ në Beograd në ora 16:27.

Operatori ajror Eurowings, menjëherë ka organizuar dhe ka dërguar një avion alternativ (Flt. Nr. EW6005) për të marrë udhëtaret e mbetur në aeroportin e Beogradit, dhe në ora 22:56 ky avion ka fluturuar me udhëtarët e njëjtë për në qytetin e Këln në Gjermani, ku është ulur në 00:45 pas mesnatës", thuhet në njoftim.

Autoriteti i Aviacionit Civil sqaron se institucionet e tjera shtetërore të Kosovës bashkë me aeroportin e Prishtinës, kanë qenë në komunikim dhe koordinim të vazhdueshëm me operatorin ajror Eurowings për sigurinë dhe mirëqenien e udhëtarëve tanë që ishin në këtë fluturim.

"Udhëtarët e kthyer në Këln, operatori ajror Eurowings i ka sjellë në Prishtinë paraditen e sotme në ora 10:00 (Flt. Nr. EW6006)", theksohet në njoftim./ CNA





Lajmet e fundit nga