web counter
LEXO PA REKLAMA!

SHKARKO APP

App Store
Google Play

E fundit!

x

INCENERATORI INEKZISTENT I TIRANËS

1 Janar 2025, 12:40, Aktualitet CNA

INCENERATORI INEKZISTENT I TIRANËS

Në gati 7 vite, CNA ka qenë një nga mediat kryesore, e cila ka investiguar dhe zbërthyer në themel aferën që deri më tani ka shkuar rreth 200 milionë euro të inceneratorëve, ku në Elbasan është jashtë funksionit, në Fier nuk ka përfunduar dhe në Tiranën e Erion Veliajt nuk ekziston.

Një kontratë koncesionare e firmosur në vitin 2017 për Tiranën. Janë jo pak, por dhjetëra milionë euro të marra nga inceneratori që nuk ekziston.

Janë 110 milionë euro të ardhura, kompania pretendon se ka investuar 30 milionë euro, por mali me plehra dergjet në Sharrë.

Pagesat e inceneratorit të Tiranës nuk duhen parë vetëm te paguesi i parë, sepse lidhjet janë edhe më të thella, ka një transfertë që çohet diku si nënkontraktim punimesh, të cilat nuk kryejnë asnjë punë e më pas paratë kanalizohen te persona të tjerë.

Por sa para do të paguhen vitin e ardhshëm?

Projekti i Ndërtimit të landfillit, inceneratorit dhe rehabilitimit të venddepozitimeve ekzistuese Tiranë dhe prodhimin e energjisë elektrike do të financohet vitin që vjen me rreth 12,7 miliardë lekë rreth 13 milionë euro, edhe pse projekti në terren ende nuk ka nisur të zhvillohet.

Për herë të parë, paratë do t’i shkojnë Agjencisë për Administrimin e Pasurisë së Sekuestruar dhe Konfiskuar. Me urdhër të SPAK, i cili vijon hetimet për të ashtuquajturën, aferë të shekullit, inceneratori është sekuestruar, edhe pse ndaj tij po bëhen pagesa të rregullta.

Ndaj administratorit shtet paguhen fatura për ndërtimin e inceneratorit, punimet e të cilit nuk kanë filluar.

Megjithëse ekzistojnë ligje që pengojnë çeljen e fondeve nëse nuk ka fatura punimesh sërish pagesat vazhdojnë, duke prodhuar një dëm material të madh ndaj taksapaguesve shqiptarë./ CNA





Lajmet e fundit nga