web counter
LEXO PA REKLAMA!

SHKARKO APP

App Store
Google Play

Viti i Ri/ Edi Rama: Ju uroj një vit në ngjitje me shëndetin top

31 Dhjetor 2024, 19:14, Aktualitet CNA
Viti i Ri/ Edi Rama: Ju uroj një vit në ngjitje me shëndetin top
Kryeministri Edi Rama

Kryeministri Edi Rama ka uruar të gjithë shqiptarët përmes një videomesazhi, Vitin e Ri 2025. 

Rama uroi një vit me shëndet, mbarësi dhe gëzim për të gjithë familjet shqiptare.

Në fjalën e tij, kryeministri tha se në 2025 Shqipëria do të jetë në familjen e madhe të Bashkimit Europian.

“Ka një vit të tërë për t’u ngjitur dhe çdo vit e ka një ditë të vetme për të zbritur.

Këtë vit e kemi ngjitur Shqipërinë më lart se ndonjëherë, po në vitin që po troket dhe në disa vite pas tij, do ta ngjisim në majën, ku do të qëndrojë edhe kur të gjithë ne të mos jemi më, aty ku gjendet shtëpia e madhe e Familjes së Bashkuar Europiane.

Por sot, për ne kalimtarët në këtë botë, është ajo dita e vetme për të zbritur dhe për të qëndruar me familjet tona, duke pritur Vitin e Ri.

Prandaj edhe unë sonte nuk do të bëj më shumë sesa t’ju uroj të gjithëve një Vit të Ri në ngjitje, me shëndetin top, me mbarësi e gëzime në familjet tuaja.

Gëzuar!”, u shpreh kreu i qeverisë./CNA





Lajmet e fundit nga