web counter
LEXO PA REKLAMA!

SHKARKO APP

App Store
Google Play

E fundit!

x

Inceneratori i Fierit, afera që nuk përfundon

31 Dhjetor 2024, 19:45, Aktualitet CNA
Inceneratori i Fierit, afera që nuk përfundon
Inceneratori i Fierit

Siç e theksuam edhe më sipaër, inceneratorët janë skema më e madhe korruptive që u ka kushtuar taksapaguesve shqiptarë dhe shtetit qindra miliona euro.

Një skemë korruptive që nis në Elbasan, shtrihet në Fier dhe më pas në Tiranë. Le të qëndrojmë tek afera me inceneratorin e Fierit, e cila duket se nuk ka të ndalur.

Çfarë ndodh?

Inceneratori i Fierit u ka kushtuar taksapaguesve shqiptarë rreth 60 milionë Lekë, por nuk është vënë asnjë ditë në punë dhe ende nuk djeg mbetje.

Por skandali është edhe më i thellë.

Në mars të vitit 2021, kompania "Integrated Technology Waste Treatment", Fier, i dërgoi një shkresë qeverisë shqiptare ku i bënte me dije se inceneratori i Fierit kishte përfunduar, por kjo nuk është e vërtetë.

Pse qeveria nuk e merr në dorëzim pasi kompania ia ka dorëzuar si projekt të përfunduar?

Inceneratori i Fierit nuk ka përfunduar, pasi mungon dhe 10 % nga investimit total, rreth 3 milionë euro.

Sipas administratorit Farudin Arapi, nevojiten edhe 2.8 milionë euro të tjera për ta vënë në punë, para që janë refuzuar të paguhen nga qeveria.

Kryeministri Edi Rama ka deklaruar më herët se shuma rreth 3 milionë euro do të paguhej nga Bashkia e Fierit dhe do të mbyllej si proces.

Por në fakt kjo nxjerr në pah një tjetër skandal brenda aferës korruptive.

Çfarë pune ka Bashkia Fier të paguajë 3 milionë euro?

Këtë shumë duhet ta paguajë kompania "Integrated Technology Waste Treatment", e cila ka marrë përsipër të ndërtojë inceneratorin, për të cilin qeveria ka paguar një thes me para dhe investimi nuk ka përfunduar, inceneratori nuk punon, është jashtë funksionit.

Bashkia e Fierit s’ka pse të paguajë rreth 3 milionë euro investim për inceneratorin e Fierit, ndërkohë që qeveria ka paguar kompaninë "Integrated Technology Waste Treatment".

Pra, tregohet qartazi që shifrat nuk kanë qenë të sakta, që ka pasur abuzime dhe korrupsion dhe se investimi nuk ka shkuar deri në fund.

Për këtë skemë korruptive ka pasur dhe një Komision Hetimor në mars të vitit 2022. Inceneratori i Fierit dhe kompania koncesionare “Integrated Technology Waste Treatment Fier” u sekuestruan në mars të vitit 2022, pasi Prokuroria e Posaçme ngriti akuza për korrupsion dhe shpërdorim detyre për ish-ministrin e Mjedisit, Lefter Koka, ish-deputetin socialist, Alqi Bllako, si dhe biznesmenin Klodian Zoto.

VENDIMI I APELIT PËR INCENERATORIN E FIERIT

Gjykata e Posaçme e Apelit ka rikthyer për rigjykim dosjen për inceneratorin e Fierit. Do të jetë një tjetër trupë gjykuese që do të marrë në shqyrtim dosjen për sa i përket të pandehurve që janë pjesë e kësaj çështjeje. Kjo është hera e parë që shkalla e dytë e Gjykatës së Posaçme kthen një vendim të miratuar nga shkalla e parë. Ky vendim nuk ndikon në shuarjen e masës së sigurisë ndaj të pandehurve.

Dënimet që u rrëzua në 19 Dhjetor të 2024 u dhanë më 25 Shtator të vitit 2023. Ishte shkalla e parë e Gjykatës së Posaçme që dënoi 12 të pandehur në këtë dosje me 45 vite burg në total, mes të cilëve ish-ministrin Koka me 6 vite e 8 muaj burg, Bllakon 2 vite e 8 muaj dhe dënimin më të lartë për biznesmenin Klodian Zoto me 8 vite burg.

Për këtë dosje u shpallën të pafajshëm 3 të pandehur, për të cilët SPAK kërkoi në Apelin e Gjykatës së Posaçme t’i dënonte. Avokatët e Abren Dervishaj, Juri Imeraj dhe Arjola Kodra kërkuan që të lihet në fuqi pafajësia e tyre, por Apeli vendosi të mos pranojë as kërkesën e tyre dhe as të SPAK, duke e kthyer çështjen edhe një herë nga e para.

Ndaj të pandehurve rëndojnë akuzat e shpërdorimit të detyrës, së nëpunësve që kryen detyrë publike dhe shpërdorimit të detyrës të funksionarit të lartë shtetëror apo dhe korrupsion. Hetimet për inceneratorin e Fierit u mbyllën në Dhjetor 2022.

Përpos propagandës ku thuhet se inceneratorët janë për t'u shërbyer qytetarëve, pas tyre kemi një incenerator që është i papërfunduar pasi i duhen para të tjera për investim si ai i Fierit, kemi inceneratorin e Elbasanit që nuk punon dhe është një kazan me naftë dhe duhen rreth 2 milionë euro në vit për mirëmbajtje dhe në Tiranë nuk kemi incenerator fare.

E vetmja gjë e sigurtë që do i ndjekë këta incineratorë edhe në vitin e ri të 2025-ës, është fakti se do vijojnë të djegin jo mbetje, por fonde publike, nëpërmjet një skeme mafioze që po gërryen çdo ditë xhepat e qytetarëve shqiptarë./ CNA





Lajmet e fundit nga