web counter
LEXO PA REKLAMA!

SHKARKO APP

App Store
Google Play

E fundit!

x

Farudin Arapi thellon skandalin e inceneratorit të Fierit/ Nxjerr provat e reja për SPAK-un

13 Qershor 2023, 13:03, Aktualitet CNA
Farudin Arapi thellon skandalin e inceneratorit të Fierit/ Nxjerr provat e
Farudin Arapi

SPAK-u ka kërkuar 10 vjet burg për Lefter Kokën, 7 për Alqi Bllakon dhe 12 vjet për Klodian Zoton në lidhje me investimin e inceneratorit të Fierit. Një kërkesë e bërë së fundmi gjykatës në lidhje me këtë aferë.

Farudin Arapi thellon skandalin e inceneratorit të Fierit/ Nxjerr provat e

Por Farudin Arapi, administratori i shtetit, ka nxjerrë një detaj tjetër mjaft të rëndësishëm në lidhje me këtë aferë korruptive.

Inceneratorët që fillojnë me “trurin” e tyre, Mirel Mërtirin, në Elbasan, shtrihen në Fier dhe më pas në Tiranë, janë investime, të cilat shkojnë, sipas përllogaritjeve të gazetarëve, në mbi 50 milionë euro, por as në Elbasan as në Fier inceneratorët nuk punojnë, janë jashtë funksionit dhe kostot i kanë mjaft të larta, pa folur për Tiranën që për 30 vjet qytetarëve do t’u duhet të paguajne rreth 750 milionë dollarë për landfillin e Sharrës.

Farudin Arapi thellon skandalin e inceneratorit të Fierit/ Nxjerr provat e
Foto ilustruese

Le të shohim faktin dhe skandalin që ka zbuluar Farudin Arapi për inceneratorin e Tiranës në lidhje me SPAK-un, çka mund të thellojë hetimet dhe mund të sjellë të tjera akuza edhe më të rënda.

Farudin Arapi thellon skandalin e inceneratorit të Fierit/ Nxjerr provat e

Inceneratori i Fierit, sipas një prononcimi të dhënë nga Farudin Arapi për agjencinë e lajmeve “BIRN”, ka kushtuar rreth 32 milionë euro, por nuk është vënë asnjë ditë në punë dhe ende nuk i djegin mbetjet.

Sipas administratorit Arapi, nevojiten edhe 2.8 milionë euro të tjera për ta vënë në punë, para që janë refuzuar të paguhen nga qeveria, ka theksuar Arapi.

Pra, edhe njëherë është vërtetuar ajo që ka thënë CNA, për disa vepra penale të kryera nga investitori.

Së pari, investitori, që ka pasur kontratën koncensionare për ndërtimin e inceneratorit të Fierit, ka bërë një shkresë zyrtare, ku i thotë qeverisë se ka përfunduar ndërtimi i tij.

Në fakt deputetë të komisionit hetimor parlamentar për inceneratorët shkuan në Fier dhe aty konstatuan se inceneratori punonte, por sipas Farudin Arapit, nuk punon më sot.

Farudin Arapi thellon skandalin e inceneratorit të Fierit/ Nxjerr provat e

Dy veprat penale që janë provuar tashmë, që u janë shtuar akuzave të SPAK-ut, janë mashtrimi që i është bërë shtetit shqiptar me shkresën që është përfunduar investimi, ndërkohë që zoti Arapi e provon që nuk ka përfunduar dhe, e dyta, mashtrimi që i është komisonit hetimor parlamentar duke ndezur një transporter, i cili ishte krejtësisht jashtë funksionit. Këto janë dy fakte mjaft të rëndësishme, pa folur për të tretin që thellon dëmin ekonomik.

Sipas SPAK-ut, dëmi qe diku te 60 milionë lekë të rinj, pra rreth 600 mijë dollarë.

Në fakt, është provuar që duhen ende 2.8 milionë euro të tjera, afërsisht rreth 3 milionë dollarë investim, që nuk janë kryer që inceneratori të vihet në punë.

Pra, dëmi ekonomik është 5 herë më i madh se ai që SPAK-u ka çuar në gjykatë, sepse inceneratori nuk ka përfunduar, kompania i ka thënë qeverisë shqiptare me shkresë zyrtare që është përfunduar dhe mund ta merrni në dorëzim, ndërkohë që duhen ende 2.8 milionë euro, pa folur më tej për mashtrimet e bëra institucioneve, korrupsionin dhe faktet e provat e tjera që ka gjetur SPAK-u.

Këto janë ato të dhëna që ka nxjerrë administratori Farudin Arapi si prova të reja që SPAK-u duhet t’i shikojë, abuzimin, korrupsionin dhe vjedhjen e miliona eurove që janë bërë me inceneratorin e Fierit./ CNA.al

 





Lajmet e fundit nga