web counter
LEXO PA REKLAMA!

SHKARKO APP

App Store
Google Play

E fundit!

x

Dita e Ujit Bekuar në Korçë/ I riu kap kryqin, ia dorëzon Imzot Joan Pelushit

6 Janar 2025, 15:01, Aktualitet CNA

Dita e Ujit Bekuar në Korçë/ I riu kap kryqin, ia dorëzon

Në qytetin e Korçës besimtarët ortodoksë kanë festuar Ditën e Ujit të Bekuar. Në këtë 6 janar, ashtu si çdo vit, Katedralja "Rigjallja e Krishtit" ka organizuar hedhjen e kryqit në ujë.

Procesioni ka nisur me meshën në kishë dhe më pas, vargu i gjatë i besimtarëve i është drejtuar shatërvanit në lulishten pranë gjimnazit "Themistokli Gërmenji", ku është ndjekur hedhja e kryqit në ujë.

Disa të rinj, sipas zakonit në të tilla ceremoni kanë sfiduar të ftohtin dhe janë hedhur në ujë kur është hedhur kryqi, të motivuar për të fituar trofeun dhe më pas shpërblimin.

Ka qenë 23 vjeçari Elvis Rakipi ai që ka nxjerrë kryqin nga uji ku më pas ia ka dorëzuar mitropolitit Joan Pelushi, i cili edhe e ka bekuar.  Për të riun është hera e dytë që e kap kryqin pas herës së parë në vitin 2023.

"Është e dyta herë që e kam kapur kryqin. Falenderoj zotin dhe uroj për të gjithë mbarësi. Për herë të parë e kam kapur në vitin 2023."

Ky rit fetar i ortodoksëve është shënuar si dita e Shën Trinisë kur Krishti, pasi mbushi 33-vjeç,  u pagëzua nga ujërat e Lumit Jordan nga Gjon Pagëzori. Sot të gjitha ujërat që rrjedhin janë të bekuar nga zoti dhe të gjithë nxitojnë të mbushin ujë dhe ta ruajne atë për gati një vit në shtëpi për të ardhur sërish 6 Janari i vitit pasardhës./ CNA





Lajmet e fundit nga