web counter
LEXO PA REKLAMA!

SHKARKO APP

App Store
Google Play

E fundit!

x

Erion Veliaj tallet me prokurorët e SPAK-ut/ “Le të vijnë të më marrin me votë”

5 Janar 2025, 17:56, Politikë CNA
Erion Veliaj tallet me prokurorët e SPAK-ut/ “Le të vijnë
Kryebashkiaku i Tiranës, Erion Veliaj

Kryebashkiaku i Tiranës, Erion Veliaj tallet me prokurorët e SPAK-ut.

Njeriu i cili ka ndryshuar disa herë qëndrimet e tij, ta hetojnë, mos ta hetojnë, janë anonimë apo s’janë anonimë, përpiqet mes gënjeshtrash ta manipulojë opinionin publik, por e vërteta është një dhe vetëm një, SPAK ka gjetur prova, ka vendime gjykate për kontroll dhe provat i panë të gjithë shqiptarët.

Por, Veliaj kërkon ta bëjë politike, duke thirrur në betejë Sali Berishën me sharje e fyrje dhe duke folur si rrugaç.(Lexo këtu)

Së dyti, në një material video me pensionistë ka thënë që po të duan të vijnë e të më marrin me votë dhe jo me hile e anonim.

Deri më tani nuk ka asnjë hile apo anonim, shqiptarët e dinë shumë mirë se kush është përgjegjësi për inceneratorin e Tiranës, faktet dhe provat i kanë prokurorët e SPAK-ut bashkë me dokumentat.

Ashtu si bashkëpunëtorët e Veliajt, anëtarët e organizatës kriminale “5D” apo shembja te Rruga “5 Maj”, shembja e Teatrit kombëtar, tendera, përfitime, para të futura në sisteme bankare dhe të përdorura nëpërmjet kompanive të ndryshme të reklamimit, biznese të lidhura me familjarë e kështu me radhë.

Ndaj Erion Veliaj sot nuk ka bërë gjë tjetër veçse është tallur me prokurorët e SPAK-ut, të cilët vazhdojnë të jenë shumë serioz dhe korrekt në punën e tyre, jo vetëm me kryebashkiakun por me të gjithë shpurrën e korruptuar politike të Shqipërisë.

Tani Erion Veliaj njëherë nxjerr tigra, njëherë thotë më kanë hetuar gruan e unë s’kam hetim, njëherë thotë janë anonim, njëherë thotë se i ka kolegë, por kryebashkiaku vetëm po tall veten dhe asgjë më shumë.

“Nuk dorëzohem unë me këta personazhe, se nuk e meritojnë! Po të duan, le ta marrin me votë, por me hile e anonime jo. U them këtyre shokëve të mi se kemi shokë edhe nga e djathta, kemi qenë në një shkollë bashkë, po më thatë që keni ndërtuar një shkollë të re, e lë unë këtë punë që tani, se do të thotë që dini të bëni një punë.

Por, të mos kesh bërë asnjë shkollë e t’i thuash tjetrit që ka ndërtuar 45, rri tani ti, hajde me letra anonime! Ua thashë, iku ai sistemi i letrave anonime. Po jeni burra, shkoni te fleta e votimt, nëse keni vota dhe mbështetje në popull. Megjithatë, duhet ecur përpara. Sot, Tirana plot me turistë, nuk mbaron!," ka deklaruar Veliaj./CNA

 

 





Lajmet e fundit nga