web counter
LEXO PA REKLAMA!

SHKARKO APP

App Store
Google Play

Vendimi i Apelit të GJKKO-së për Berishën/ Këlliçi: I paska marrë malli

3 Janar 2025, 13:54, Politikë CNA

Vendimi i Apelit të GJKKO-së për Berishën/

Drejtuesi politik i PD-së për Tiranën, Belind Këlliçi ka reaguar pas vendimit të Apelit të GJKKO-së për masën detyrim me paraqitje për kreun e PD-së Sali Berisha.

Këlliçi përmes një postimi në rrjetet sociale është shprehur se, ky është një vendim absurd dhe politik.

Ai thekson se me vendimin e sotëm për tu çmallur dy herë në muaj me Sali Berishën, regjimi tregoi se frika i ka hyrë në palcë.

“I paska marrë malli për Berishën!!!

Në një vendim krejtësisht absurd dhe tërësisht politik, sot Gjykata e Apelit të Posaçëm, vendosi të thërrasë dy herë në muaj Kryetarin e Opozitës dhe PD, Prof. Dr. Sali Berishën!

Vendimi për detyrim paraqitje dy herë në muaj në këtë fazë të procesit, kur hetimet kanë përfunduar, është afërmendsh një qokë politike për Narkoshtetin e parë në Europë!

Regjimi në fakt nuk mund të jepte sërish vendim për arrest shtëpie pasi do ishte diskretitim, por edhe pa asnjë masë nuk mund ta linin Doktorin, pasi do ishte thjesht degjenerim!

Megjithatë, me vendimin e sotëm për tu çmallur dy herë në muaj me Sali Berishën, regjimi tregoi se frika i ka hyrë në palcë!

Nuk do jetë e vonë dita, kur Sali Berisha dhe PD ta fitojë bindshëm edhe këtë betejë”, shkruan Këlliçi./ CNA

 





Lajmet e fundit nga