E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Belind Këlliçi rrëzon akuzat/ “Karlo Bollino riciklon shpifjet për orën time”

1 Janar 2025, 20:41, Politikë CNA

Drejtuesi politik i Partisë Demokratike për qarkun e Tiranës, Belind Këlliçi, ka reaguar fuqishëm ndaj një fake news-i të fundit, duke akuzuar gazetarin Carlo Bollino për shpifje të përsëritura dhe përpjekje të dëshpëruara për të devijuar vëmendjen nga problemet e tij personale me drejtësinë.

Në një deklaratë publike, Këlliçi ka hedhur poshtë pretendimet mbi çmimin e orës së tij të dorës, të cilën Bollino e kishte vlerësuar në 82,400 euro dy vite më parë, për ta rikthyer tani me një “zbritje” në 41,500 euro. Këlliçi sqaron se ora është një model i markës Carlo Dali, me një vlerë më të ulët se një shishe vere, duke e cilësuar këtë sulm si një shpifje ordinerë dhe të motivuar politikisht.

"Kërcen KARlo nga belaja!

KARlo Bollino, i dëshpëruar gjer në dhimbje kërkon shpëtim tek e vetmja “shpresë” e mbetur, fake news-at. Megjithëse festë, mashtruesi kronik, vesin nuk e lë dot pushim.

Kësaj here i stërmunduar, ai ka ricikluar një fake news të konsumuar e diskretituar plot 2 vjet më parë, kur orën e dorës ma “vlerësoi” 82.400 euro. Por këtë herë e paska rikthyer me zbritje, në 41.500 euro!!!

Si edhe asokohe, po ta jap përgjigjen publikisht, sepse me këtë rast u rikujtoj shqiptarëve pazaret e tua të ndyra në kurriz të tyre.

Ora ime e dorës, lehtësisht e verifikueshme është e njëjta markë si herën e parë, Carlo Dali dhe kushton më pak se 1 shishe verë që ti e hap në drekat ku “vjedh” taksapaguesit e vendit tim!

KARlo, pasi sqarova për herë të dytë mashtrimin tënd ordiner, po përsëris të vërtetën e pakundërshtueshme se ti mbetesh hajdut i 4.000m2 truall në zemër të Tiranës, hajdut i miliona eurove përmes tenderave me AKSHI-n dhe linçuesi e shpifësi nr.1 në Shqipëri.

Ky pseudogazetar me ‘prona’ në mes të Tiranës, nën hetim prej një viti nga SPAK, nuk ka durimin të marrë përgjigjen e merituar, njëlloj si padroni i tij, pronari faktik i inceneratorit Tiranë dhe kreu i 5D, por e mbush pritjen torturuese me fake-news, e vetmja mjeshtëri të cilën ia njohën shqiptarët në vite.

Pushka top KARlo se përballë do më kesh në çdo sekondë!

Unë në ndryshim nga ty, kam durim të pres të vërtetën, veç duke luftuar në emër të saj.

Në fund, të dy do kemi të drejtën e fjalës.

Kuptohet unë përballë, se ti do gjesh Idajetin e rradhës!"