web counter
LEXO PA REKLAMA!

SHKARKO APP

App Store
Google Play

Qentë e Veliajt i vërsulen prokurorit të SPAK-ut

29 Dhjetor 2024, 15:14, Politikë CNA

Qentë e Veliajt i vërsulen prokurorit të SPAK-ut

Qentë e Erion Veliajt janë vërsulur ndaj SPAK-ut dhe prokurorit të SPAK-ut, Olsi Dado, i cili po heton pasurinë e kryebashkiakut dhe familjarëve të tij.

Veliaj duket se ka angazhuar ushtrinë e tij, punonjësit e Bashkisë së Tiranës, që të sulmojnë me gjuhë rrugaçësh, (siç dëshmoi se e përdor dhe vetë), prokurorët e SPAK-ut.

Ata që dje thoshin rroftë SPAK-u janë vërsulur me sulme personale. Sharjet dhe fyerjet ndaj prokurorit Olsi Dado arrijnë në një pikë të neveritshme, duke përfshirë dhe familjen.

Komentet denigruese për prokurorin Olsi Dado, aludime për jetën e tij personale e familjare e tregojnë qartë frikën deri në palcë të krybashkiakut që ka vërsulur qentë e tij ndaj prokurorëve dhe drejtësisë.

Qentë e Veliajt i vërsulen prokurorit të SPAK-ut
Komentet denigruese ndaj prokurorit

SPAK-u i ka kallur datën Veliajt, pasi po hetohet dhe nga faktet e provat mbi të, ngrihen akuzat e korrupsionit, shpërdorimit të detyrës, fshehjes së pasurisë dhe pastrimit të parave.

Sulmet e qenve të Veliajt tregojnë qartazi lojërat politike të një individi në grahmat e tij të fundit politik.

Pavarësisht goditjeve nën brez, SPAK-u vazhdon hetimet ndaj Veliajt dhe dosjeve më të nxehta që kanë boshatisur xhepat e shqiptarëve të varfër.

Vetëm dy ditë më parë përmes një reagimi publik, Prokuroria e Posaçme saktësoi se ka filluar hetimi ndaj shtetasit Erion Veliaj dhe janë mbi 4 akuza të rënda penale.

Hetimet janë thelluar e kanë shkuar te familjarët e Veliajt, bashkëshortja, i vëllai, janë shtrirë edhe jashtë vendit apo deri në kohën kur Veliaj ishte ministër dhe jo vetëm si kryetar bashkie.

Thelbi është vetëm një, Erion Veliaj është nën akuzë, nën 4 akuza mjaft të rënda dhe as qentë e tij nuk do të mund ta shpëtojnë nga fundi i tij politik dhe as nga SPAK-u, i cili po heton nën drejtimin e Altin Dumanit që Veliaj dhe qentë e tij kanë frikë t’i përmendin emrin.

Më poshtë mund të lexoni disa nga komentet kundër SPAK-ut dhe prokurorit Olsi Dado./ CNA





Lajmet e fundit nga