web counter
LEXO PA REKLAMA!

SHKARKO APP

App Store
Google Play

Muçollari: Qeveria është kalbëzuar, rezistenca do i sjellë fitoren PD-së

27 Dhjetor 2024, 20:24, Politikë CNA
Muçollari: Qeveria është kalbëzuar, rezistenca do i
Anëtari i Kryesisë së PD-së dhe drejtuesi Politik i degës Nr. 7, Grigels Muçollari

Anëtari i Kryesisë së PD-së dhe drejtuesi Politik i degës Nr. 7, Grigels Muçollari, deklaroi se opozita është forcuar gjatë vitit të fundit, ndërsa qeveria është kalbëzuar.

Në një takim me demokratët e Njësisë Nr. 7, Muçollari tha se forcimi i opozitës erdhi si pasojë e rezistencës.

Sipas tij, kjo rezistencë do t’i sjellë PD-së fitoren dhe qytetarëve zgjedhje të lira e të ndershme.

“Pas një viti të vështirë, sot dy gjëra janë krejt të qarta për cilindo lexues të politikës normal të themi. E para është forcimi i opozitës. E dyta është kalbëzimi i qeverisë. Doni të thoni jua a kanë lidhje këto me njëra-tjetrën?

Padyshim që po. Forcimi i opozitës po bën qeverinë të dridhet sot që flasim, forcimi i opozitës që erdhi si pasojë e rezistencës suaj, e dëshirës suaj për të qenë njerëz të lirë, e qëndrueshmërisë së Prof. Dr. Sali Berishës, e bindjes suaj se e drejta do të fitojë gjithmonë.

Ky është forcimi i opozitës, këtë po kërkojmë dhe do t’ja dalim në çdo fitore të ardhshme. Qeverinë teknike kërkojmë dhe atë do ta marrim! Zgjedhje të lira kërkojmë dhe ato do t’i marrim! Fitoren e PD-së kërkojmë dhe atë do ta marrim!”, theksoi ai./ cna





Lajmet e fundit nga