web counter
LEXO PA REKLAMA!

SHKARKO APP

App Store
Google Play

E fundit!

x

“Erioni ‘i vdekur’ politikisht”/ Shehaj: Janari do të jetë fundit i tij

27 Dhjetor 2024, 10:16, Politikë CNA
“Erioni ‘i vdekur’ politikisht”/ Shehaj: Janari do
Ekspertja e Ekonomisë, Brisida Shehaj

Ekspertja e Ekonomisë, Brisida Shehaj, ka komentuar zhvillimet e fundit në politikë duke theksuar thirrjen në SPAK të Erion Veliajt.

Shehaj ka deklaruar se tashmë Veliaj është një kufomë e pakallur politike.

Sipas ekspertes, SPAK-u do të veprojë shumë shpejt ndaj Veliajt dhe nuk do të presë zgjedhjet.

Ajo shtoi se me shumë gjasa janari do të jetë fundi politik i Veliajt.

“Ne dje e dëgjuam Erionin, por në fakt, Erioni nuk foli për Këshillin Bashkiak, nuk foli as për qytetarët e Tiranës. Thjesht i dha një mesazh të qartë rilindjes së vet: 'Kjo kullë këtu është e imja dhe unë nuk largohem'.

Për mua është mëse e qartë që skema ku Nesti Agoni është pjesë, është po rilindja. Opozita, dhe mbi të gjitha Belind Këlliçi, çdo denoncim, çdo kallëzim, çdo informacion e ka çuar me emër dhe mbiemër. Pra, nuk është fshehur as me Idajeta dhe as me individë të tjerë të përdorshëm, por ka firmosur çdo gjë vetë.

Tashmë Erioni është thjesht një kufomë e pakallur. Ka marrë fund, politikisht pa diskutim, që kur i plasi skandali '5D'. U pa qartë që ai do të ishte justifikimi i radhës i Ramës. Pra, njëherë është Beni, njëherë është Beqja, njëherë është Erioni, njëherë dikush tjetër, vetëm Rama 'nuk di gjë'.

Madje, mendoj që, nëse deri dje kishte zëra që thoshin se 'Erioni do të jetë pas zgjedhjeve', me veprimet që shoh dhe mënyrën se si është bërë situata, besoj që shumë shpejt do të ketë veprim nga SPAK-u ndaj tij. Me shumë gjasa, janari do të jetë fundi i këtij individi”, tha Shehaj në një dalje televizive./ CNA





Lajmet e fundit nga