web counter
LEXO PA REKLAMA!

SHKARKO APP

App Store
Google Play

SPAK-u, 4 akuza ndaj Veliajt/ Rama: Po pres vendimin e gjykatës

28 Dhjetor 2024, 18:28, Politikë CNA
SPAK-u, 4 akuza ndaj Veliajt/ Rama: Po pres vendimin e gjykatës
Fotomontazh - Edi Rama dhe Erion Veliaj

SPAK ka ngritur 4 akuza të rënda ndaj kryebashkiakut të Tiranës, Erion Veliaj.

Për hetimet dhe akuzat ndaj Veliajt u pyet mbrëmjen e sotme kryeministri Edi Rama.

Kreu i qeverisë nuk pranoi të komentojë, duke thënë se do të presë vendimin përfundimtar të gjykatës.

“Unë nuk komentoj raste individuale, nuk e kam bërë asnjëherë, përveçse kur ka pasur një vendim përfundimtar gjykate, sic ka qenë rasti i një shpifësi recidiv. Por mund të them vetëm që, fakti se cilido është i hetueshëm, nuk e bën cilindo të fajshëm, dhe nga ana tjetër, gjyqet nuk bëhen në media, por gjyqet bëhen në proceset ligjore dhe kushtetuese

Opinioni im dihet. Është i njohur botërisht. Përballë drejtësisë dhe përballë ligjit dhe përballë të drejtës së institucioneve të drejtësisë për të bërë punën e tyre, nuk janë emrat që caktojnë se për kë e bëjnë apo për kë s’e bëjnë punën, por janë faktet dhe janë liritë dhe të drejtat e të gjithëve, që duhen ushtruar dhe duhen vënë në zbatim, duke filluar nga liria dhe e drejta e drejtësisë, që të bëjë detyrën e vet”, theksoi Rama./ CNA





Lajmet e fundit nga