web counter
LEXO PA REKLAMA!

SHKARKO APP

App Store
Google Play

E fundit!

x

Xhaferri reagon pas lajmit të CNA/ "Largimi i Veliajt, skenar i përgatitur prej kohësh"

28 Dhjetor 2024, 14:21, Politikë CNA
Xhaferri reagon pas lajmit të CNA/ "Largimi i Veliajt, skenar i
Kryetari i Forumit Rinor i PD-së, Besart Xhaferri

Kryetari i Forumit Rinor i PD-së, Besart Xhaferri ka reaguar pas lajmit të publikuar nga CNA për largimin e kryebashkiakut Veliaj nga Shqipëria.

Në një postim në “Facebook”, Xhaferri tha se ky është një skenar i përgatitur prej muajsh për Erion Veliajn.

Sipas Xheferrit, Veliaj mes standardit Bllako dhe Ahmetaj, ka zgjedhur këtë të fundit, të cilit i bëri gropën, gropë në të cilën po përfundon dhe vetë.

"Kolegët  e Tigrit 2 që u konvertuan në sigurimsa!

Në diktaturë Sigurimi i Shtetit përpara se të kryente arrestimin e ndonjë armiku të partisë përgatiste terrenin, duke përhapur lajmin në mënyrë që  populli, miqtë dhe armiqtë e objektivit të mos kapeshin të papërgatitur.

I njëjti skenar po përgatitet prej muajsh për Erion Veliajn, i cili vetë përmes avokatëve të tij, ata që dikur i cilësonte kolegë, sot i akuzon se po veprojnë me metoda të Sigurimit Shtetit, akuza që nuk i ka kursyer me herët as Arben Ahmetaj, fatin e të cilit me gjasë do ketë Veliaj.

SPAK po i jep kohën e mjaftueshme Edi Ramës që të ketë kostot minimale nga arrestimi i Erion Veliajt, por ky i fundit mesa duket mes standardit Bllako dhe Ahmetaj, ka zgjedhur këtë të fundit, të cilit i bëri gropën, gropë në të cilën po përfundon dhe vetë.

Erion Veliaj është nën hetim nga SPAK  për 4 akuza nga korrupsioni te pastrimi i parave dhe arratia e tij  dëshmon se SPAK është çertifikuar zyrtarisht si koburja personale e Edi Ramës.

Erion Veliaj është hajduti i dytë më i madh në këtë vend pas Edi Ramës dhe ai e ka vendin vetëm në qeli, e urojmë së Syri Tv të mos e gjejë para SPAK-ut, siç bën me Ahmetajn."/CNA

 





Lajmet e fundit nga