web counter
LEXO PA REKLAMA!

SHKARKO APP

App Store
Google Play

Shansi i fundit që Veliaj të shpëtojë fytyrën

27 Dhjetor 2024, 14:48, Editorial CNA
Shansi i fundit që Veliaj të shpëtojë fytyrën
Erion Veliaj

Sot SPAK-u me një njoftim zyrtar saktësoi se ka filluar hetimi ndaj shtetasit Erion Veliaj. Mbi 4 akuza të rënda penale.

Qartazi sot SPAK-u tha se tamburat e Erion Veliajt, sulmet ndaj prokurorëve, të gazetarëve të oborrit të tij për paditës anonimë e të tjerë nuk janë gjë tjetër thjesht dhe vetëm lojëra politike në grahmat e fundit të një individi që ka shansin të shpëtojë diçka nga morali i tij i pështirë politik.

Mediat e Veliajt u vërsulën mbi faktin se kishte qenë një person anonim të cilin Erioni nuk e dinte, por që kishte ofruar prova dhe fakte të pakontestueshme, të cilat janë verifikuar nga oficerët e BKH-së që më pas kanë marrë në pyetje kryebashkiakun në një hetim të udhëhequr nga kreu i SPAK-ut, Altin Dumani, dhe prokurori Olsi Dado.

Por e rëndësishme nuk është kush ka kallëzuar, por a ka fakte dhe prova. Botërisht janë ditur shumë. Erion Veliaj i ka mohuar hetimet ndaj tij, i ka kaluar te bashkëshortja dhe i vëllai, por hetimet janë thelluar e kanë shkuar edhe jashtë dhe deri në kohën kur Veliaj ka qenë ministër, jo vetëm si kryetar bashkie.

Gjithsesi SPAK-u e dha përgjigjen. Përgjigjen e parë e dha për papagajtë mediatikë dhe klientët e tij duke thënë se e vërteta është kjo duke saktësuar veprat penale dhe nenet përkatëse të kodit.

Së dyti, theksoi se Erion Veliaj është hetuar, se ka akuza konkrete, të cilat janë mjaft të rënda, që mund të shkojnë nga 5-15 vjet burg.

Së treti, i tha Erion Veliajt ke kohë që të dalësh vetë nga zyra duke dhënë dorëheqjen ose do të arrestohesh me pranga në zyrë.

Është fakt që Erion Veliaj është një nga fytyrat më të urryera të politikës në gjithë historinë e demokracisë shqiptare, por ai ka shansin të shpëtojë diçka nga dinjiteti politik duke dhënë dorëheqjen dhe duke treguar se është një qytetar i lirë për t’u hetuar dhe të përballet me SPAK-un vetë, në fund ai mund të kthehet se mund të dalë dhe i pafajshëm.

Por duke ndenjur në karrige, duke vazhduar me skenarë intrigash mediatike, me lojëra për të fituar opinion publik apo mbështetjen e socialistëve, duke sulmuar Sali Berishën, këto nuk kanë më asnjë vlerë tashmë.

Thelbi është vetëm një, Erion Veliaj është nën akuzë, nën 4 akuza mjaft të rënda dhe në rast se do t’i kishte ngelur një fije qytetarie do të duhet të kishte dhënë dorëheqjen.

Por dhe po nuk e dha një gjë është e sigurt do të shkojnë ta marrin me pranga në zyrë./ CNA





10:20 Editorial

Lotët e Lulit

Në disa dalje mediatike të javëve të fundit, Lulzim Ba...

Lajmet e fundit nga