web counter
LEXO PA REKLAMA!

SHKARKO APP

App Store
Google Play

E fundit!

x

Pse kur themi "antikorrupsion" të gjithë kuptojnë Dumanin dhe jo Xhafajn

10 Dhjetor 2024, 08:46, Editorial Elvi FUNDO

Pse kur themi "antikorrupsion" të gjithë kuptojnë

Titulli i kalorësit antikorrupsion kësaj radhe gjeti mbështetjen e gjithë opinionit publik.

Ndryshe nga kalorësi “Dvorani", i pompuar nga Kryeministri Rama edhe mbi sajesa dhe citime false vendimesh, ku Dvorani paskësh votuar për dënimin e Ilir Metës, kësaj radhe askush nuk e pati të vështirë të gërmojë për të gjetur vendime dhe akte të vërteta antikorrupsion të nxjerra nga Altin Dumani.

Aktet, gjestet dhe vendimet e Altin Dumanit nuk kishin nevojë për retushim, ndaj opinioni publik është i qartë, mbështet dhe nuk habitet siç u habit për Dvoranin.

Ardian Dvorani nuk ka votuar për fajësinë e Ilir Metës. Ka votuar në minorancë për një version të ndryshëm të pafajësisë së Ilir Metës. Versioni i Dvoranit për pafajësinë e Ilir Metës ishte i ndryshëm nga versioni i pjesës tjetër të anëtarëve të trupit gjykues. Mund të thuhet që Dvorani në atë rast, për të dalë në opinion minorance, e ka vrarë mendjen më shumë se të tjerët për ta cilësuar Ilir Metën si të pafajshëm. Dhe kjo nuk e bën kalorës të antikorrupsionit, por më të zellshëm se të tjerët për të mbrojtur Ilir Metën.

Vendimi i pafajësisë për Ilir Metën është marrë me unanimitet votash, përfshirë votën e këtij kalorësit të pompuar nga Rama dhe mediat e majta.

Ndryshe nga ai rast aksidental, për Altin Dumanin nuk ka habi dhe shpallja e tij nga zyrtari amerikan si njeriu antikorrupsion i Shqipërisë, i cili është i gjithëpranuar nga shqiptarët.

Sot sa herë që dikush hap temën e luftës kundër korrupsionit, çdokujt i shkon mendja tek akronimet “SPAK” dhe tek emri Altin Dumani.

Megjithëse pak ditë më parë Fatmir Xhafaj siguroi edhe 500 mijë euro nga fondet e buxhetit të shtetit për një skenar antikorrupsioni që ai e ka në kokë dhe nuk e tregon se cili qenkësh, sot askush nuk e përmend dot Fatmir Xhafajn si njeriun që mund të imagjinohet se luftuaka korrupsionin.

Nëse do t’i kishte kërkuar ato 500.000 euro nga shqiptarët, do të kishte siguruar zero euro.Askush nuk mendon se Fatmirin nuk po e zë gjumi se ndien erë korrupsioni në administratë. Aq më pak kur për këtë si fillim kërkon një 500-mijëshe!

Çdo gazetar që niset të shkruajë për dënime dhe akuza kundër korrupsionit, referohet dhe kërkon referenca që kanë lidhje me një emër: Altin Dumani.

Çdo qytetar që ka një hall që i është shkaktuar nga veprime korruptive të zyrtarëve, mendon një emër: Altin Dumani.

Çdo zyrtar që është ndeshur me korrupsionin e shefave apo kolegëve kur shtrëngon nofullat i shkon në mendje një emër: Altin Dumani. (LEXO KETU)

Pse kur themi "antikorrupsion" të gjithë kuptojnë

Askush nuk beson se ky Fatmir Xhafaj i 500-mijëshes do t’i zgjidhë hallet që kanë shqiptarët me korrupsionin.

Fatmiri mund të harxhojë me sukses ato 500.000 euro, por ai nuk ka për t'u përmendur ndonjëherë si i ndershmi që luftoi korrupsionin. Korrupsioni luftohet me zemër jo me 500-mijëshe!

Dhe Fatmir Xhafaj ka më shumë sesa një hall të lidhur me kriminalitetin dhe korrupsionin në familjen e tij.

Dhe meqë jemi te titujt, përfaqësuesi amerikan as nuk e llogariti fare Fatmir Xhafajn si baba të reformave antikorrupsion. Fatmir Xhafaj mburret edhe si baba i reformës në drejtësi, por për ata që kanë sy, veshë dhe zemër, kur mendojnë antikorrupsionin, mendojnë Altin Dumanin.

Edhe kur flasin dhe ëndërrojnë në anglisht!

 





Lajmet e fundit nga