web counter
LEXO PA REKLAMA!

SHKARKO APP

App Store
Google Play

SPAK, masa sigurie për dy gazetarët/ Berisha sulmon Altin Dumanin

25 Nëntor 2024, 12:33, Politikë CNA
SPAK, masa sigurie për dy gazetarët/ Berisha sulmon Altin Dumanin
Kreu i PD-së, Sali Berisha

Kreu i PD-së, Sali Berisha, ka reaguar pasi CNA raportoi se SPAK-u ka dhënë masa sigurie për dy gazetarë dhe ka shoqëruar dhjetëra persona të tjerë në kuadër të luftës kundër krimit të organizuar.

Berisha ka kërkuar heqjen e masës ndaj Elton Qynos, duke e diferencuar nga gazetari Artan Hoxha, për të cilin ka deklaruar se është anëtar i bandës së Bajrajve.

Lideri i opozitës për këtë rast ka hedhur dhe akuza ndaj kreut të SPAK, Altin Dumani.

“Dënoj me forcën më të madhe vendosjen e masave kufizuese ndaj gazetarit guximtar Elton Qyno, i cili në një shërbim të madh ndaj vendit ka demonstruar me guximin më të madh lidhjet e Edi Ramës me krimin. Rrëmbimi i tij nga Altin Dumani është një nga ngjarjet me dramatike të Shqipërisë. Grabitja e telefonave të tij për të shpëtuar Edi Ramën nga dokumente që e komprometojnë atë në mënyrën më serioze duke filluar nga udhëtimi i tij në Naruba dhe dhurata gjysmë milionë euro e të tjerë përbëjnë një akt kriminal të vërtetë në mbrojtje të Edi Ramës. Kërkoj heqjen e menjëhershme të masave ndaj gazetarit Elton Qyno. I shpreh solidaritetin tim.

Ata që vendosën këto masa, por kërkojnë të mbyllin kanalet e transparencës së mediave. Vendosja e masave njëkohësisht ndaj Elton Qynos, gazetarit guximtar, trim dhe Artan Hoxhës, anëtar i damkosur i Bajrajve të partisë, i paguar nga bandat, por i mbrojtur nga Altin Dumani gjer së fundi sa u detyrua të vendosë një masë arrest shtëpie ndërkohë që informoj publikun se Artan Hoxha ka shkelmuar detyrën e gazetarit dhe është bërë anëtar aktiv i paguar i bandës "Bajri-Gjoka", të partisë. Nuk kanë asnjë lidhje këta dy gazetarë me njëri-tjetrin”, tha Berisha./ CNA





Lajmet e fundit nga