web counter
LEXO PA REKLAMA!

SHKARKO APP

E fundit!

x

Takimi i Ramës në Londër/ Berisha: Rama keqtrajtoi mbi 20 protestues në sallë

24 Nëntor 2024, 19:32, Politikë CNA
Takimi i Ramës në Londër/ Berisha: Rama keqtrajtoi mbi 20
Ish-kryeministri Sali Berisha

Ish-kryeministri Sali Berisha ka komentuar takimin në Londër të kryeministrit Edi Rama, ku u shpreh se sot është dita që Edvin Kristaq Xhelati, kreu krime të shëmtuara që nuk i kanë kryer as diktatorët më të këqinj.

Sipas Berishës, Rama keqtrajtoi kafshërisht mbi 20 protestues paqësor në sallën e takimit.

"Dita e sotme do të hyjë në histori si dita në të cilën Edvin Kristaq Xhelati, kreu në vendin e lirisë siç është Britania e Madhe, krime të shëmtuara që nuk i kanë kryer as diktatorët më të këqinj.

Edvin Kristaq Xhelati keqtrajtoi me bandat e tij, kafshërisht mbi 20 protestues paqësor në sallën e takimit. Falangat e krimit të banditëve në Londër dhe të mbledhur nga vende të tjera, të patronazhistëve kriminelë të shkuar nga Tirana, të armatosur me objekte të forta, goditën të tërbuar protestuesit paqësor të demokracisë.

Goditën dhe zvarritën shkallëve të pallatit të sportit ku mbahej takimi, ju thyen kafkën dhe kockat e tjera, vetëm e vetëm se bastardit të xhelatit Kristaq Rama iu zgjuan instinktet shtazarake atërore ndaj kundërshtarëve politikë."/CNA





Lajmet e fundit nga