E fundit!

14:19 Aktualitet

Qeveria plan për rivlerësimin e profesioneve të rregulluara, në fokus 323 kategori

Shqipëria do të nisë një proces të gjerë për rishikimin e ...

Takim me krerët e degëve të PD-së në Tiranë/ Berisha: Jemi përballur me diktaturën

23 Nëntor 2024, 20:30, Politikë CNA

Takim me krerët e degëve të PD-së në Tiranë/

Kreu i demokratëve, Sali Berisha takim me krerët e degëve të PD në Tiranë

Ditën e martë në orën 17:00 opozita ka thirrur protestë kombëtare dhe më këtë rast kreu i demokratëve, Sali Berisha gjatë mbledhjes me krerët e degëve të PD-së në Tiranë tha se 26 nëntori do të jetë nën pushtetin e qytetarëve.

Pas mbledhjes me drejtuesit politik të PD, Berisha po zhvillon edhe një takim me krerët e e degëve të PD-së në Tiranë ku në fokus është protesta e ditës së martë.

Gjatë fjalës së tij, Berisha u shpreh se PD-ja u përball me një kalvar që nuk e ka përjetuar asnjë forcë tjetër politike në vend.

Berisha theksoi se PD u përball me dinjitet dhe sukses kundër një diktaturë dhe ka dëshmuar në kohë që jemi një forcë politike e pamposhtur.

"PD u përball me një kalvar të cilin ndofta nuk e ka përjetuar ndonjë forcë tjetër politike, por ajo u përball me dinjitet dhe me sukses. U përball me diktaturë dhe përballet me një diktaturë, duke dëshmuar para së gjithash se ajo është një forcë politike e pamposhtur.

Sot, ndonëse diktatura përdor çdo mjet dhe si i mbyturi kapet edhe në fijen e barit, përpiqet të zgjasë me çdo kusht jetën e saj, ajo ka përballë një forcë politike me një forcë të jashtëzakonshme ndërkombëtare. Ka përballë një forcë politike, e cila kaloi rubikonin.

Po të kemi parasysh se grushti i shtetit që u bë kundër opozitës shqiptare nga mafia Edi Rama- George Soros, kishte parashikuar shndërrimin e asj në një fasadë të qeverisë, dhe kur dështoi mobilizoi të gjithë forcën për izolimin e saj.

Në akte të cilat të rikujtojnë romanet e George Orëell, apo të Franz Kafkës, por fatmirësisht kjo mafie mori një përgjigje ekzemplare nga qytetarët e SHBA më datën 5 nëntor.

Kjo mafie me inspiracion marksist- leninist në SHBA, krejtësisht mafiozë në Shqipëri përbënte një rrezik madhor, jo vetëm për PD, por e vërteta, është një rrezik madhor për SHBA dhe vende tjera të lira.

Një lëvizje që frymëzonte, predikonte transformimin e identitetit nejrëzor, një agresion ndaj identitetit njerëzor, ndaj familjes dhe vlerave të saj, ishte frymëzimi më ekstremist i majtë.

Ekstremizmi i majtë, apo marksizmi- leninizmi krijoi ëoke-izmin dhe cancel culture, të cilat ne i kemi njohur në kulmet më të zeza të diktaturës komuniste. Në kohërat kur arkivoheshin jo veprat e letërsisë perëndimore në frymën e Cancel Culture, por dhe në frymën e rilindasve tanë."/CNA