web counter
LEXO PA REKLAMA!

SHKARKO APP

App Store
Google Play

E fundit!

x

PD protestë të martën/ Berisha: I bëj thirrje bastardit të familjes Hoxha, mos i prek qytetarët

23 Nëntor 2024, 18:35, Politikë CNA
PD protestë të martën/ Berisha: I bëj thirrje bastardit
Kreu i demokratëve, Sali Berisha

Gjatë mbledhjes me drejtuesit politik të PD-së, kreu i demokratëve Sali Berisha u bën thirrje qytetarëve për protestën e 26 nëntorit që do të mbahet në kryeqytet.

Berisha tha se mosbindja civile e ditës së martë, marshimi në Tiranë, duhet të jetë një triumf i vërtetë i revoltës, i zemërimit, i shpirtit të pamposhtur të qytetarëve.

Ish-kryeministri Sali Berisha u shpreh se duhet të marrim masa për të dëshmuar se opozita është shumica dhe narkoshteti s’do ketë të ardhme.

"Mosbindja civile e ditës së martë, marshimi në Tiranë, duhet të jetë një triumf i vërtetë i revoltës, i zemërimit, i shpirtit të pamposhtur të qytetarëve në kryeqytetin e tyre.

Ndaj dhe, të nderuar drejtues politikë të qarqeve, duhet marrë çdo masë për një dyndje masive të opozitarëve në Tiranë.

Duhet të marrim çdo masë për të dëshmuar përpara shqiptarëve se ne jemi shumica, dhe jo vetëm shumica politike, por edhe shumica numerike dhe se narkodiktatura nuk ka të ardhme.

Ajo mbahet tani nga organet e dhunës.

Një një akt që më rikujton muajt e fundit të diktaturës komuniste, i ndërruan të gjithë drejtorët dhe sollën në krye të policisë banditë të damkosur, njerëz me lidhje të certifikuara, ushtarë të krimit."

Gjthashtu, Berisha paralajmëroi policinë që të mos i prekë protestuesit e zemëruar dhe i bën thirrje Ministrit të Brendshëm, Ervin Hoxha që do të paguajë çmim të shtrenjtë nëse ndërsen narkobanditët.

"Por unë jam këtu për të paralajmëruar, mos guxoni të prekni protestuesit e zemëruar.

Edhe njëherë, i them përfaqësuesit, bastardit të familjes Hoxha dhe përfaqësuesit të bandës së Troplinëve, mos ndërse narkobanditë kundër qytetarëve se do paguash çmimin më të shtrenjtë.

Nuk mund të mbani pushtetin me banda. Jo dhe jo."/CNA





Lajmet e fundit nga