web counter
LEXO PA REKLAMA!

SHKARKO APP

App Store
Google Play

E fundit!

x

Berisha prezanton ndryshimin rrënjësor në programin e PD-së/ "Do marrim një sërë masash"

22 Nëntor 2024, 12:21, Politikë CNA
Berisha prezanton ndryshimin rrënjësor në programin e PD-së/
Kreu i Partisë Demokratike Sali Berisha

Kreu i Partisë Demokratike Sali Berisha në konferencën e përjavshme me gazetarët është shprehur se do të ketë një ndryshim rrënjësor në programin e partisë.

Ky ndryshim, sipas Berishës, parashikon një ndërhyrje të fuqishme, një përmbysje të vërtetë në shpërndarjen e të ardhurave dhe pasurive publike në Shqipëri.

Lideri i opozitës ka theksuar se duhet të merren një sërë masash për uljen e varfërisë në vend.

“Do të ketë një ndryshim rrënjësor në programin e PD-së. Ky ndryshim rrënjësor i PD-së parashikon një ndërhyrje të fuqishme, një përmbysje të vërtetë në shpërndarjen e të ardhurave dhe pasurive publike në Shqipëri.

Partia e inciativës së lirë nuk beson kurrë PD se duke luftuar iniciativën e lirë mund të luftojë varfërinë. Por ajo që PD dhe qeveria e saj ka në dorë është të përmbysë skemën e tanishme të shpërndarjes të ardhurave dhe pasurive publike në mënyrë që shqiptarët të kenë një jetë normale pavarësisht nga aktiviteti i tyre.

Sot Shqipëria është vendi me përqindjen më të lartë në botë të varfërisë së popullatës dhe mjerimit të cilat nga një shpërndarje çnjerëzore e të ardhurave nga plaçkitja e tyre masive dhe burimeve natyrore ka arritur që varfëria e skajshme të rritet më shumë se 3 herë dhe varfëria relative të kalojë në 46 %. Kjo është një sirenë alarmi që buçet pothuaj në gjysmën e vatrave shqiptare.

Kemi shpallur para jush minimumin jetik, 200 euro, dyfishimin e rrogave, rritjes së pensioneve. Kemi shpallur heqjn e tvsh për ushqimet bazë por analiza e të gjitha këtyre masave ballafaqimi i tyre me realitetin tregon se janë të domosdoshme një seri masash tjera”, tha Berisha./ CNA





Lajmet e fundit nga