web counter
LEXO PA REKLAMA!

SHKARKO APP

App Store
Google Play

E fundit!

x

Vendimi i Gjykatës Kushtetuese/ Topalli: Rrëzoi veten, jemi në krizë ilegjitimiteti institucional

21 Nëntor 2024, 21:01, Politikë CNA
Vendimi i Gjykatës Kushtetuese/ Topalli: Rrëzoi veten, jemi në
Drejtuesja politike e PD-së për diasporën, Jozefina Topalli

Drejtuesja politike e PD-së për diasporën, Jozefina Topalli, ka reaguar për vendimin e Gjykatës Kushtetuese për ish-kryeministrin Sali Berisha.

Topalli tha në një lidhje me gazetaren Armela Ferko se vendimi për Berishën thyen dhe dhunon Kushtetutën e Shqipërisë.

Sipas saj, në këtë rast ndodhemi në kushtet e një krize ilegjitimiteti institucional.

“Në fakt kam shumë pak kohë për të lexuar dhe për të kuptuar vendimin e Gjykatës Kushtetuese, por besoj se dy elementë kryesorë i kam të qarta. Në gjykimin tim, unë këtë e shikoj si një vendim të gjykatës, i cili është marrë në thyerje dhe dhunim të plotë të Kushtetutës. 

Mirëpo, kur Gjykata Kushtetuese rrëzon Kushtetutën, jemi në kushtet e një krize ilegjitimiteti institucional. Mbase kjo është kriza më e rëndë e shtetit demokratik shqiptar në kuptimin institucional të fjalës.

Me këtë vendim të sotëm, ka minuar kushtetutën dhe veten e saj. Kuvendi është shtylla kryesore e demokracisë së një vendi, dhe kur i merret pushteti kuvendit, atëherë jemi në rastet e minimit të demokracisë të shëndetshme parlamentare.

Aktualisht po bashkohen zingjir, minimi i të gjitha institucioneve që dikush të mbajë një pushtet që e konsideron si privilegj për të mos e lëshuar dhe nuk e konsideron si përgjegjësi për ti shërbyer interesit publik të një vendi”, theksoi Topalli./ CNA





Lajmet e fundit nga