web counter
LEXO PA REKLAMA!

SHKARKO APP

App Store
Google Play

E fundit!

x

Fjoralba Dizdari: Të rritet mosha për aksesin në rrjetet sociale

20 Nëntor 2024, 21:01, Politikë CNA
Fjoralba Dizdari: Të rritet mosha për aksesin në rrjetet sociale
Anëtarja e Këshillit Kombëtar të PD-së, Fjoralba Dizdari

Anëtarja e Këshillit Kombëtar të PD-së, Fjoralba Dizdari, ka bërë një thirrje për deputetët, duke marrë shkas nga debati për mbylljen e “TikTok”-ut.

Dizdari ka propozuar në rrjetet sociale që ligjvënënësit të rrisin moshën minimale për aksesin në mediat sociale.

Ajo ka deklaruar se edhe vetë Kina ka disa limite për moshën e personave që mund të përdorin këtë platformë.

“Ligjvënësit duhet të çojnë përpara nismën, për të rritur moshën minimale për aksesin në mediat sociale. Ka ardhur koha!

Nuk jam fanse e politikave Kineze për shumë gjëra dhe as e Tik Tokut për të cilën mendoj se është i tmerrshëm, thënë kjo, besoj se duhet patur vëmëndje, sepse vet Kina ka disa limite për moshën për sa i përket kësaj platforme dhe nuk janë rastësore, tek fotoja lart janë disa prej tyre. Limite që do ishin mirë të implementoheshin edhe ne Shqipëri, dhe jo vetëm për këtë platformë, por për të gjitha rrjetet e tjera sociale, jo vetëm të jetë në dorën e prindërit, por të jetë pjesë e politikave të vëndit.

Fëmijët po bëhen gjithnjë e më të varur nga këto platforma, çdo ditë e më shumë, nuk lexojnë apo zhvillojnë trurin me lexime dhe lojra zhvillimore, dhe ky është një dëm i madh qe po i bëhet fëmijëve sot dhe brezave që do të vijnë nesër. Të ndalojmë së thëni, është e vështirë, apo që nuk bëhet se duhet miratuar, diskutuar në qeveri e të tjera me rradhë.

Është një çështje shumë sensitive që meriton të flitet në media dhe qeveri, e theksoj, jo vetëm për Tik Tokun apo Snapchat, por limitet e moshës duhet të jenë për të gjitha rrjetet sociale.

Duhet të ndalet, që një shoqëri të reagojë vetëm, pas humbjes së një jete të pafajshme, si ajo e 14-vjeçarit. Shtete të tjera kanë filluar të marrin masa dhe të flitet gjërësisht për implementimin e këtyre politikave prej vitesh.

Arsyet pse fëmijët kanë arritur në këtë pikë, nuk është vetëm e rrjeteve sociale që padiskutim zë një vënd të madh, është e modelit, modele që serviren gjërësisht edhe në televizione, edhe në muzikë, edhe në shkollë, politik apo arsim!”, ka nënvizuar Dizdari./ CNA





Lajmet e fundit nga