web counter
LEXO PA REKLAMA!

SHKARKO APP

App Store
Google Play

Rama, lëvizje në strukturat drejtuese/ Ndryshon të deleguarit në qarqe

20 Nëntor 2024, 17:10, Politikë CNA
Rama, lëvizje në strukturat drejtuese/ Ndryshon të deleguarit
Kryeministri Edi Rama

Kryeministri Edi Rama, disa javë pasi ka emëruar drejtuesit e tij politikë në qarqe, ka filluar të bëjë lëvizje të tjera.

Burime mediatike, të konfirmuara edhe nga burime zyrtare në PS, bëjnë të ditur se kreu i qeverisë dhe i Partisë Socialiste ka lëvizur drejtuesin e qarkut të Dibrës, ministrin e Ekonomisë, Blendi Gonxhja, duke e sjellë këtë të fundit në Tiranë.

Gonxhja, prej disa javësh i emëruar në qarkun e Dibrës, ku zëvendësoi Belinda Ballukun pasi kjo e fundit u lëviz në qarkun e Fierit, nuk qëndroi gjatë në drejtimin politik të PS-së. (Lexo këtu)

Rama, lëvizje në strukturat drejtuese/ Ndryshon të deleguarit
Blendi Gonxhja

Tashmë, Blendi Gonxhja mësohet se do të jetë pjesë e strukturës menaxhuese të PS-së në qarkun e Tiranës.

Pas Ogerta Manastirliut dhe Elisa Spiropalit, Tiranës i shtohet edhe Blendi Gonxhja, ndërkohë që Erion Veliaj është lënë jashtë detyrave politike dhe siç e ka deklaruar kryeministri Edi Rama në mbledhjet me strukturat drejtuese të partisë, ai do të merret me punët e bashkisë. (Lexo këtu)

Rama, lëvizje në strukturat drejtuese/ Ndryshon të deleguarit
Erion Veliaj

Duket se kreu socialist kërkon përforcim në Tiranë, duke sjellë Blendi Gonxhen.

Tashmë janë 3 drejtues politikë të PS-së në qarkun e Tiranës. Kryesorja është Ogerta Manastirliu, disa bashki do të drejtohen nga Elisa Spiropali dhe Blendi Gonxhja, i cili do të ndajë disa zona të caktuara elektorale për socialistët.

Ardhja e Blendi Gonxhes në Tiranë tregon edhe njëherë lënien në cep të Erion Veliajt, largimin nga fushata e socialistëve dhe përforcimin me 3 personazhe, të cilëve kryeministri Rama u ka besuar organizimin e fushatës në kryeqytet./ CNA





Lajmet e fundit nga