web counter
LEXO PA REKLAMA!

SHKARKO APP

App Store
Google Play

Rama, me dorë të hekurt: Kemi ndaluar telefonat në shkolla, do të shikojmë zbatimin

20 Nëntor 2024, 13:15, Politikë CNA

Rama, me dorë të hekurt: Kemi ndaluar telefonat në shkolla, do

Pas mbledhjes së qeverisë, kryeministri Edi Rama ka deklaruar se do të ketë një diskutim të gjerë në lidhje me dilemën e qeverisë nëse duhet të vendosen filtra mbrojtës në rrjetet sociale apo duhet të mbyllen aplikacionet "TikTok" dhe "Snapchat" në të gjithë Republikën e Shqipërisë, pas vrasjes së 14-vjeçarit. 

Ndër të tjera, kryeministri tha se do të vendosen sisteme kontrolli në shkolla dhe u shpreh se duhet të rikthehen në zbatimin e masës për të ndaluar telefonat në shkollë.

“Siç e kam lajmëruar në vigjilje të nisjes së vitit të ri shkollor, jemi duke punuar për ngritjen e një sistemi të ri digjital të kontrollit të shkollave dhe çdo klase. Po punojmë prej më shumë se një viti për këtë projekt me qeverinë e Emirateve të Bashkuara ku ky sistem është realizuar me një sukses të jashtëzakonshëm dhe rezultate mbresëlënëse. Kemi dakordësuar dhe mbulimin e financimit. Së shpejti e prezantojmë publikisht projektin dhe nisim punën për zbatimin e tij në harkun e 20 muajve. Ndërkohë që hap pas hapi shkollat do pajisen me këtë sistem. Kemi ndaluar celularët në shkolla, por do të shikojmë zbatimin”, tha Rama./ CNA





Lajmet e fundit nga