web counter
LEXO PA REKLAMA!

SHKARKO APP

App Store
Google Play

Apeli i GJKKO-së e la në burg/ Reagon Meta nga qelia: Asnjë surprizë

19 Nëntor 2024, 19:34, Politikë CNA
Apeli i GJKKO-së e la në burg/ Reagon Meta nga qelia: Asnjë
Kryetari i Partisë së Lirisë, Ilir Meta

Apeli i Gjykatës së Posaçme kundër Korrupsionit dhe Krimit të Organizuar ka lënë në fuqi masat e sigurisë ndaj Ilir Metës dhe Monika Kryemadhit, të caktuara nga Shkalla e Parë më 23 Tetor 2024.

Ilir Meta do të vazhdojë të qëndrojë në arrest në burg, ndërsa edhe për Monika Kryemadhin qëndron masa detyrim paraqitje.

Për këtë vendim ka reaguar nga burgu vetë Meta, i cili ngre akuza ndaj gjyqtarëve dhe thotë se nuk është surprizuar apo çuditur.

“Asnjë çudi dhe asnjë surprizë nga drejtësia me regji e Narkoshtetit.

Afërmendsh u rikonfirmua sërish se gjykatat janë thjesht dhe vetëm vegla qorre nën urdhrin dhe diktatin e Narkoregjimit DumDuman.

Desorosifikimi i drejtësisë është emergjencë kombëtare për çlirimin e shtetit dhe rivendosjen e shtetit të së drejtës dhe barazisë përpara ligjit për çdo qytetar.

Asnjë vendim gjykate dhe asnjë veprim i mjerë i Narkoregjimit nuk e ndal dot betejën e Partisë së Lirisë për çmontimin e Narkoshtetit, rikthimin e shtetit ligjor, mbrojtjen e lirive, të drejtave dhe dinjitetit njerëzor, të demokracisë e pluralizmit dhe vënien sa më parë në jetë të 5 Prioriteteve tona për 4 milion shqiptarë plus”, thekson Meta./ CNA





Lajmet e fundit nga