web counter
LEXO PA REKLAMA!

SHKARKO APP

App Store
Google Play

E fundit!

x

Debate në Kuvend/ Balla-opozitës: Turp që na krahasoni me Serbinë, distancohuni nga kjo

19 Nëntor 2024, 10:38, Politikë CNA

Debate në Kuvend/ Balla-opozitës: Turp që na krahasoni me

Sot në Kuvend ka rinisur seanca plenare për të diskutuar rreth buxhetit 2025 dhe më pas do të miratohet.

Ministri i Shtetit për Marrëdhëniet me Parlamentin, Taulant Balla gjatë fjalës së tij në seancë plenare e nisi fjalën me ngjarjen e rëndë që ndodhi në shkollën 9-vjeçare “Fan Noli”.

Seanca nisi me debate mes opozitës dhe mazhorancës ku debatuan për vrasjen e 14-vjeçarit ditën e djeshme nga bashkëmoshatari i tij.

Në nisje të fjalës së tij, Balla u kërkoi përfaqësuesve të PD-së të mos përdorin këto ngjarje për politkë.

Ai tha se kjo ngjarje duhet të na bëjë më përgjegjës dhe i bëri thirrje opozitës që të mbështesin të gjitha masat drastike ligjore për sa i përket sigurisë në shkolla.

“Mendoj që kjë gjë duhet të na bëjë me përgjegjësi të gjthëve dhe si anëtarë të Kuvendit duhet të dalim dhe të mbështesim të gjitha masat drastike ligjore. Të marrim shkas nga kjo ngjarje që t’i qasemi një sigurie të ashpër në shkolla. Turp s’keni që krahasoni me vendet e tjera. Krahasoni atë mijëra vrasje e përthunime nga serbët dhe ju thoni që kjo qeveri sillet si serbët me shqiptarët. S’keni turp! Jeni ende në kohë që të distancoheni nga kjo, mendohuni gjithë ditën dhe bëni krahasime si t’ju teket juve. Shqipëria jonë e 2030 do të jetë anëtarë e BE-së, ndërsa ju keni mundësinë që të bëheni pjesë e këtij rrugëtimi. Por kjo retorikë, ky helm nuk u bën kurrë europianë. Kemi nevojë për forca politike, por PD i ka humbur rrugës dhe siç keni humbur ato do humbisni edhe zgjedhjet 2025.”/ CNA





Lajmet e fundit nga