web counter
LEXO PA REKLAMA!

SHKARKO APP

E fundit!

x

Buxheti i vitit 2025/ Pritet miratimi, seancë maratonë në parlament, opozita proteston

19 Nëntor 2024, 07:46, Politikë CNA

Buxheti i vitit 2025/ Pritet miratimi, seancë maratonë në

Këtë të hënë Kuvendi ka nisur punimet për shqyrtimin në parim të projektbuxhetit të vitit 2025 ndërsa ditën e sotme pritet të miratohet në parlament.

Seanca maratonë do të vijojë edhe ditën e sotme. Mbi 12 orë zgjati seanca parlamentare e një dite më parë, e cila u shoqërua me debate të shumta mes opozitës dhe mazhorancës.

Që në minutat e para të nisjes së seancës parlamentare pati debate dhe tensione pasi kryeministri Edi Rama bëri me dije se do të ketë një rritje të bonusit të fundvitit ndërsa premtoi dhe një bonus të dytë në hyrje të çdo pranevere.

Buxheti i vitit të ardhshëm parashikohet të jetë 8 miliardë Euro, ndërsa opozita ka akuzuar qeverinë se fondet po shpërdorohen.

Kundërshtinë për projektbuxhetin opozita do e shprehë edhe nëpërmjet një proteste, që pritet të zhvillohet sot në orën 17:00,  por në rast se buxheti do të miratohet paraditen e së martës, kryedemokrati Sali Berisha paralajmëroi edhe një zhvendosje të orarit të protestës./ CNA





Lajmet e fundit nga