web counter
LEXO PA REKLAMA!

SHKARKO APP

App Store
Google Play

E fundit!

x

Rezoluta e Internacionales së Qendrës së Djathtë/ Këlliçi: Historike, sinjal i qartë për opozitën

18 Nëntor 2024, 19:01, Politikë CNA

Rezoluta e Internacionales së Qendrës së Djathtë/

Internacionalja e Qendrës së Djathtë miratoi këtë të hënë një rezolutë për situatën në Shqipëri, ku dënon qeverinë e Edi Ramës.

Për miratimin e kësaj rezolute ka reaguar drejtuesi Politik i PD-së për Tiranën, Belind Këlliçi.

Ky i fundit shkruan në rrjetet sociale se kjo rezolutë është historike dhe vendos gishtin në plagët më kryesore të vendit tonë.

Sipas tij, ky sinjal i qartë se ndërkombëtarët kanë kthyer sytë dhe mendjen nga Shqipëria, duke i dhënë një sinjal dhe mbështetje opozitës në momentin e duhur.

Deklatrata e plotë:

Rezoluta historike!

Si asnjë rezolutë më parë, ditën e sotme organizata më e madhe e partive politike të qendrës së djathtë në botë IDC CDI, e cila bën bashkë 109 parti politike të qendrës e qendrës së djathtë nga e gjithë bota, në mbledhjen e Komitetit Ekzekutiv të zhvilluar në Siem Reap të Kamboxhias, miratoi një rezolutë e cila:

1. Dënon fuqishëm lidhjet e Narkoshtetit të drejtuar nga Edi Rama me kartelet e drogës në Amerikën Latine duke e kthyer Shqipërinë në një lavatriçe të pastrimit të parave.

2. Dënon arrestimet politike dhe goditjen e opozitës shqiptare me në krye Partinë Demokratike ku meren shembuj konkret izolimi në arrest shtëpie i Kryetarit të PDSH Prof. Dr. Sali Berisha, pa prova, pa fakte, pa akuzë dhe bazuar në dokumenta të rreme, rrëmbimi dhe arrestimi brutal i ish Presidentit/Kryeministrit e njëherazi kreut të PL Ilir Meta, gjyqi politik që po zhvilohet ndaj kreut të PR Fatmir Mediu, dënimi politik me burg i Deputetit të PD Ervin Salianji për një kallëzim të rremë të pakryer prej tij dhe arrestimi politik dhe goditja e ish kryetarit të zgjedhur të Himarës Fredi Beleri.

3. Mbështet përpjekjet e opozitës shqiptare dhe luftën e saj kurajoze për zgjedhje të lira e të ndershme dhe për rikthimin e qeverisjes demokratike e mbrojtjen e të drejtave themelore në vend.

4. Theksimin e rëndësisë së luftës kundër krimit të organizuar dhe trafikut të drogës si një detyrë jetike për një shtet anëtar të NATO-s dhe kandidat për anëtarësim në BE duke nënvizuar nevojën urgjente të këputjes së fijeve që lidhin krimin me votën.

Rezoluta e Internacionales së Qendrës së Djathtë/

5. Nevojën për një sistem drejtësie të pavarur i cili nuk përdoret si një armë për të luftuar kundërshtarin politik, por garanton të drejtat dhe liritë e qytetarëve shqiptarë.

6. Nevojën që vendi ka për një qeveri teknike bazuar në modelin e Maqedonisë së Veriut, me qëllim mbarëvajtjen e proçesit zgjedhor dhe garantimin e integritetit të zgjedhjeve.

7. CDI do të ndjekë nga afër zhvillimet në Shqipëri dhe do të jetë në mbështetje të anëtarëve të saj në zgjedhjet e ardhshme parlamentare në mbështetje të rrugëtimit europian të Shqipërisë.

Miqtë e mi,

Një rezolutë e tillë, kaq e qartë, konkrete dhe që vendos gishtin në plagët më kryesore të vendit tonë, duke e krahasuar vendin tonë madje me Bjellorusinë e Lukashenkos, me të cilin Edi Rama darkonte para pak ditësh, nuk është miratuar asnjëherë.

Ky sinjal i qartë, se miqtë e Partisë Demokratike dhe vendit tonë kanë kthyer sytë dhe mendjen nga ne, është një mesazh i fortë dhe mbështetje në momentin e duhur.

Zgjedhjet e ardhshme janë jetike për Shqipërinë ndaj dhe ne duhet të bëjmë gjithçka për ti rikthyer shpresën shqiptarëve dhe për ta rikthyer vendin në shinat e shtetit ligjor dhe të së drejtës./ CNA





Lajmet e fundit nga