web counter
LEXO PA REKLAMA!

SHKARKO APP

App Store
Google Play

E fundit!

x

Nga sistemi i burgjeve te uniformat/ Manja: Ja si ndahet buxheti 2025 për Ministrinë e Drejtësisë

18 Nëntor 2024, 17:16, Politikë CNA
Nga sistemi i burgjeve te uniformat/ Manja: Ja si ndahet buxheti 2025 për
Ministri i Drejtësisë, Ulsi Manja

Ministri i Drejtësisë, Ulsi Manja, tregoi në Kuvend se si do të ndahet buxheti i Ministrisë së Drejtësisë.

Manja tha se për Ministrinë e Drejtësisë janë akorduar 14,3 mld lekë nga Buxheti i Shtetit, të cilat do ndahen për sistemin e burgjeve, për kompensimet e ish-pronarëve dhe pagat e sigurimet.

“56% të totalit e zë sistemi i Burgjeve, 31% shërbimi i kthimit dhe kompensimit të pronave dhe 13 % programet e tjetra në përgjegjësi të Ministrisë së Drejtësisë. 7.9 mld lekë shkojnë për paga dhe sigurime shoqërore, me një rritje me një 895 mln lekë, që reflekton rritjen e pagave në burgje me 16%, dhe 14% për ndihmën juridike falas, si pasojë e shtesës në organikë me 10 punonjës prej ndryshimit të hartës gjyqësore”, u shpreh ai.

Manja deklaroi se 4,8 mld lekë do të shkojnë për shërbime operative dhe të mirëmbajtjes, ndërsa 144 mln lekë do të shkojnë “për përkthime për shkak të AQUIS me BE-në, 500 mln lekë për sistemin e burgjeve, kryesisht për uniforma të stafit ushtarak”. 

Ministri nënvizoi se: “1.5 mld lekë janë investime. Vlen të theksohet se investimet e brendshme për 2025 krahasuar me 2024 për sistemin e burgjeve janë shtuar me 400 mln lekë, 133% rritje, ku projekti kryesor do të jetë ndërtimi i një paraburgimi në qytetin e Kukësit, që do t’i shërbejë zonës, pse jo dhe Kosovës”./ CNA





Lajmet e fundit nga