web counter
LEXO PA REKLAMA!

SHKARKO APP

App Store
Google Play

E fundit!

x

Buxheti 2025/ Shehi: S’duhet reformë e re për pensionet, bëni shportën e madhe 300 milionë

18 Nëntor 2024, 18:00, Politikë CNA
Buxheti 2025/ Shehi: S’duhet reformë e re për pensionet,
Kreu i LZHK-së, Dashamir Shehi

Kreu i LZHK-së, Dashamir Shehi, kundërshtoi sërish projekt-buxhetin 2025, teksa u ndal te pensionistët.

Shehi paraqiti sërish propozimin e tij për rritjen e pensioneve me një shportë të madhe prej 300 milionësh.

Ai deklaroi se nuk është nevoja të bëhet një reformë e re për pensionistët, kur me të njëjtin buxhet mund të bëhet shporta e madhe.

“Unë them që hajde të bëjmë një shportë të madhe, por që është e domosdoshme dhe e vetmja mënyrë, prej rreth 300 milionësh për të subvencionuar të gjitha pensionet nga 200 mijë lekë e poshtë, atë që tha kryeministri vetë, por që nuk bëhet në atë mënyrë si tha ai. Kjo është sakrificë për këtë buxhet, por nuk është aq e tmerrshme. 300 milionë, hiqi 10% nga investimet publike, që janë 1.6 miliardë, janë 160 milionë. Dhe po e them këtë punë me qetësinë më të madhe se para një jave diskutuam buxhetin faktik të vitit 2023. Mungonin 160 milionë që nuk ishin investuar, e njëjta gjë këtë vit. Atëherë, ia marrim nga ky buxhet se nuk është ndonjë hata e madhe, mjafton të bëhen ca tenderë më mirë, të jeni të sigurt që teprojnë 160 milionë. 55 milionë i ka parashikuar vetë qeveria te buxheti, 16 milionë për indeksim, 55 milionë bonusin e fundvitit, 35 milionë, të dyja bashkë bëjnë gati 50 milionë. 90 milionë i marrim borxh në treg të brendshëm dhe ja ku u bë një shportë që do mbushë pensionet e vogla", theksoi Shehi./ CNA





Lajmet e fundit nga