web counter
LEXO PA REKLAMA!

SHKARKO APP

App Store
Google Play

Berisha: Rezoluta që miratoi Internacionalja e Qendrës së Djathtë, më e fuqishmja që nga komunizmi

18 Nëntor 2024, 20:00, Politikë CNA
Berisha: Rezoluta që miratoi Internacionalja e Qendrës së
Kryetari i PD-së, Sali Berisha

Internacionalja e Qendrës së Djathtë miratoi një rezolutë në mbështetje të opozitës shqiptare këtë të hënë.

Për rezolutën kundër qeverisë, reagoi gjatë protestës në rrugën “Mustafa Matohiti” kryetari i PD-së, Sali Berisha.

Ish-kryeministri deklaroi se rezoluta e sotmja është “më e fuqishmja kundër regjimit në Shqipëri që nga koha e Enver Hoxhës”.

“Miqtë e mi, sot paradite Internacionalja e Qendrës Demokrate, organizata që grupon sëbashku 108 parti politike nga të gjitha kontinentet, organizatë planetare, ka folur në një seancë më fuqishëm se kurrë ndonjëherë ndokush për secilin prej jush, për Opozitën shqiptare, për narkodiktaturën e Edi Ramës, për narkodrejtësinë e tij.

Pra, sot është miratuar rezoluta më e fuqishme kundër regjimit në Shqipëri. Që nga koha e Enver Hoxhës, sot është miratuar me unanimitet të plotë, pa asnjë kundërshtim nga përfaqësues të këtij forumi botëror, planetar rezoluta në mbështetje të Opozitës shqiptare, të çdo opozitari të këtij vendi, të demokracisë.

Ndaj dhe, të dashur miq, në emër tuaj të shpreh mirënjohjen më të pakufijshme ndaj ëprfaqësuesve të ëktij forumi botëror të partive politike në këtë forum botëror për këtë mbështetje të madhe që i dhanë Opozitës shqiptare, për këtë dënim ekzemplar që i rezervuan narkodiktaturës së Edi Ramës.

I garantoj në emër tuajin se, beteja jonë kundër narkoregjimit do të jetë betejë fitimtare”, theksoi Berisha./ CNA





Lajmet e fundit nga