web counter
LEXO PA REKLAMA!

SHKARKO APP

App Store
Google Play

E fundit!

x

12 orë debate në Kuvend/ Seanca maratonë vijon edhe nesër

18 Nëntor 2024, 22:29, Politikë CNA

12 orë debate në Kuvend/ Seanca maratonë vijon edhe nesër

Këtë të hënë është zhvilluar seanca maratonë në Kuvend për projekt-buxhetin e 2025-ës, ndërsa diskutimet mes palëve kanë zgjatur mbi 12 orë. Kuvendi do të rikthehet sërish të martën, duke nisur nga ora 10.00.

Buxheti i vitit të ardhshëm parashikohet të jetë 8 miliardë Euro, ndërsa opozita ka akuzuar qeverinë se fondet po shpërdorohen.

Seanca e kësaj të hëne nisi me debate mes opozitës e mazhorancës, pasi kryeministri Edi Rama lajmëroi plan të ri për pensionistët. Rama tha se fondi prej 100 milionë eurosh do të akordohet për bonusin që do të marrin 511 mijë pensionistë në fundvit, ndërsa do të pasohet nga një tjetër masë financiare në pranverë.

Kundërshtinë për projektbuxhetin, opozita do e shprehë edhe nëpërmjet një proteste, që pritet të zhvillohet të martën duke nisur nga ora 17.00. Në rast se buxheti do të miratohet paraditen e së martës, kryedemokrati Sali Berisha paralajmëroi edhe një zhvendosje të orarit të protestës.

Berisha po ashtu kërkoi që të miratohet një amendament i kërkuar nga opozita për vendosjen e minimumit jetik prej 200 eurosh./ CNA





Lajmet e fundit nga