web counter
LEXO PA REKLAMA!

SHKARKO APP

App Store
Google Play

Data e zgjedhjeve/ Begaj nis të mërkurën konsultimet me partitë politike

19 Nëntor 2024, 18:20, Politikë CNA
Data e zgjedhjeve/ Begaj nis të mërkurën konsultimet me
Presidenti Bajram Begaj

Presidenti Bajram Begaj nis të mërkurën ditën konsultimet me partitë poltike në funsksion te dekretit për datën e zgjedhjeve parlamentare.

Begaj do presë në takim kreun e PR-së, PBDNJ-së, PDIU-së, LZHK-së, ndërsa të enjten do të presë përfaqësues nga PL-së.

Konsultat me dy partitë kryesore, PS dhe PD, Presidenti do t’i zhvillojë më 25 nëntor.

Më herët është raportuar se zgjedhjet parlamentare mund të mbahen mes dy të dielave të para të majit, 4 ose 11 maj. Gjithsesi këto janë thjesht supozime, pasi përcaktimi i datës së zgjedhjeve është kompetencë e Presidentit të Republikës, i cili pas konsultimeve me aktorët kryesorë politikë në vend, dekreton edhe datën e zgjedhjeve.

Nga praktikat e mëparshme, caktimi i datës së zgjedhjeve bëhet me dakordësinë e palëve, ku Presidenti konsultohet për dy data të mundshme, që i parashtrohen përfaqësuesve të partive politike.

Në deklaratat publike, Partia Demokratike nuk ka shprehur ndonjë datë të preferuar se kur mund të mbahen zgjedhjet, ndërsa kreu i saj, Sali Berisha ka deklaruar se zgjedhjet të mbahen sa më shpejt të jetë e mundur./ CNA





Lajmet e fundit nga