web counter
LEXO PA REKLAMA!

SHKARKO APP

App Store
Google Play

Zgjerohet grupi parlamentar i Niko Peleshit

20 Nëntor 2024, 09:43, Politikë CNA
Zgjerohet grupi parlamentar i Niko Peleshit
Kreu i grupit parlamentar të PS, Niko Peleshi

Mund të duket e pabesueshme, por socialistët kanë zgjeruar grupin e tyre parlamentar të drejtuar nga Niko Peleshi.

Mjafton të shikosh dy seancat e fundit të Kuvendit ku diskutohej buxheti i vitit 2025 për të kuptuar se sa shumë është zgjeruar ky grup parlamentar.

Për herë të parë pamë standardin ku në momentin kur ministri nuk di t’u përgjigjet pyetjeve ndërhyn kreu i grupit parlamentar dhe i thotë të mos ketë pyetje.

Pra, Niko Peleshi kërkoi që ministri apo ministrat të mos përgjigjeshin për ato që donin të dinin opozita dhe qytetarët, mjaftonte të fliste ministri.

Ishte i lumtur Niko. Ngazëllimi i tij ishte i pamasë, dukej në sallë.

Kishte zgjeruar grupin e tij parlamentar me Andrea Manon, i cili, edhe pse është parkuar te karriget e opozitës, është një nga “kartonët” e Nikos përkohësisht.

Nuk i duhet më tani. Ndoshta shpreson ta ketë në parlament me mandat në zgjedhjet e ardhshme që të jetë edhe më i plotë grupi parlamentar i PS-së, të ketë më shumë garanci dhe më shumë cilësi, pasi Andrea Mano ndoshta vlen edhe më shumë se ndonjë socialist aty që nuk i duhet askujt./ CNA





Lajmet e fundit nga