web counter
LEXO PA REKLAMA!

SHKARKO APP

App Store
Google Play

E fundit!

x

Data e zgjedhjeve/ Begaj: Partitë të vijnë në konsulta me seriozitet dhe përgjegjshmëri

20 Nëntor 2024, 15:30, Politikë CNA
Data e zgjedhjeve/ Begaj: Partitë të vijnë në konsulta me
Presidenti Bajram Begaj

Presidenti Bajram Begaj nisi këtë të mërkurë konsultimet me partitë politike për datën e zgjedhjeve parlamentare 2025.

Lidhur me konsultimet ka ardhur një reagim nga vetë Begaj, i cili kërkon që partitë politike të bëjnë një diskutim të çiltër, të përgjegjshëm, serioz dhe vizionar.

Begaj deklaron në rrjetet sociale se dekretimi i datës së zgjedhjeve duhet të shënojë fillimin e një procesi intensiv konsultash dhe llogaridhënie për të gjithë aktorët politikë, qeveritarë dhe opozitarë.

“Legjislaturës X të Kuvendit po i afrohet fundi dhe koha që pushteti të kthehet te zgjedhësit po afron.

Ky pushtet i zgjedhësve nuk duhet të reduktohet vetëm në një datë kalendarike që Presidenti i Republikës e cakton për shqiptarët me qëllimin që ata të shprehin vullnetin e tyre.

Dekretimi i datës së zgjedhjeve duhet të shënojë fillimin e një procesi intensiv konsultash dhe llogaridhënie për të gjithë aktorët politikë, qeveritarë e opozitarë.

Ky proces thelbësor për demokracinë duhet të shndërrohet në shfaqje të mirëfilltë pjesëmarrjeje dhe angazhimi qytetar.

Diskutimi i çiltër, i përgjegjshëm, serioz dhe vizionar, duhet të shoqërojë çdo hap të komunikimit të politikanëve me zgjedhësit.

Vullneti politik i zgjedhësve duhet të ngjizet bazuar në debatin e hapur, transparent e konstruktiv, në ballafaqimin civil të alternativave, dhe jo në keqpërdorim të pushtetit administrativ dhe atij zgjedhor, apo në oferta elektorale të paligjshme.

Një proces i drejtë elektoral ka hap të parë caktimin e datës së zgjedhjeve, duke u nisur nga interesi më i mirë i zgjedhësve, duke peshuar me paanësi argumentet pro dhe kundër secilës alternativë dhe duke tërhequr në vendimmarrje zërin e një spektri të gjerë aktorësh politikë e institucionalë.

Këtij qëllimi i shërben më së miri konsulta e nisur sot, me shpresën dhe urimin që palët e thirrura në konsultë do ta mirëpresin atë me të njëjtin seriozitet, respekt dhe përgjegjshmëri, me të cilën janë ftuar të bëhen pjesë me opinionet dhe sugjerimet e tyre”, shkruan presidenti./ CNA





Lajmet e fundit nga