web counter
LEXO PA REKLAMA!

SHKARKO APP

App Store
Google Play

E fundit!

x

Rama u përgjigjet kritikëve: Tragjedia, e madhe për t’u futur në sherrin e një pseudopolitike

20 Nëntor 2024, 13:24, Politikë CNA

Rama u përgjigjet kritikëve: Tragjedia, e madhe për t’u

Kryeministri Edi Rama u është përgjigjur me një mesazh kritikëve të qeverisë pas vrasjes së 14-vjeçarit te shkolla “Fan Noli”.

Pas mbledhjes së qeverisë, Rama deklaroi se vrasja e 14-vjeçarit është tragjedi shumë e madhe për t'u futur në sherrin e një pseudopolitike.  

"Në mbyllje, dua të nënvizoj se tragjedia e nxënësit 14-vjeçar, e familjes së tij dhe e komunitetit të shkollës 'Fan Noli' është shumë e madhe për t'u futur në perimetrin shumë të ngushtë të sherrit të një pseudoelite politike dhe mediatike, e cila përditë, përnatë devijon çdo interes kombëtar e publik, çdo problem apo ngjarje dhe deri çdo fatkeqësi e tragjedi në kanalin e llumit të interesave të veta për pushtet e për biznes me ndjenjat dhe me hallet e popullit.

Kjo tragjedi duhet të na bashkojë si prindër dhe si qytetarë për të kuptuar se gjithsecili prej nesh duhet të marrë përsipër më shumë në pjesën e vet të frontit për mbrojtjen e fëmijëve, i cili nis brenda mureve të shtëpisë, vazhdon brenda mureve të shkollës dhe shtrihet kudo ku zhvillohet jeta e fëmijëve tanë, përfshirë dhe ekranet e televizorëve ku shumica dërrmuese e atyre që derdhin lot krokodili për Shqipërinë dhe për popullin janë në fakt lëvrues të papërgjegjshëm të gjuhës së dhunës dhe herë pas here dhe nxitës të hapur të dhunës duke përfshirë dhe vetë sallën e Parlamentit të Shqipërisë që është një shkollë e hapur dhune dhe nxitjeje e gjuhës së dhunës", tha Rama. 

Kujtojmë se pas ngjarjes, opozita ka akuzuar qeverinë se nuk ka marrë masa për sigurinë dhe perimetrin e sigurisë në shkolla duke e drejtuar gishtin e akuzës ndaj Ministrisë së Arsimit dhe asaj të Brendshme./ CNA





Lajmet e fundit nga