web counter
LEXO PA REKLAMA!

SHKARKO APP

App Store
Google Play

E fundit!

x

Topalli, takim me shqiptarë në New York/ "Të bashkojmë forcat, largimi s'është rrugë pa kthim"

20 Nëntor 2024, 16:54, Politikë CNA

Topalli, takim me shqiptarë në New York/ "Të bashkojmë

Drejtuesja politike për Diasporën, Jozefina Topalli, ndodhet në New York, ku është duke zhvilluar takime intensive me shqiptarët të cilët jetojnë në SHBA.

Në Kishën e Zojës Shkodër në New York, Topalli shprehu brengën e largimit të shqiptarëve nga vendlindja.

Gjithashtu, ajo theksoi domosdoshmërinë për votën e emigrantëve si mundësia kyçe, që Shqiperia ka, për të mos rrëshkitur drejt zbrazjes së parikuperueshme.

Topalli, takim me shqiptarë në New York/ "Të bashkojmë

Pjesë nga fjalimi:

Jemi mbledhur sot këtu jo vetëm për të ndarë kujtimet dhe dashurinë për vendin tonë, jo vetem per te nderuar arritjet tuaja ne bote, por edhe për të përballuar një realitet që na rëndon të gjithëve: Shqipëria jonë e dashur po zbrazet dita-ditës.

Sot kemi shkolla që nuk kanë më zërat e fëmijëve që dikur mbushnin klasat dhe rrugët e qytetit. Shqipëria mbetet gjithnjë më e vetmuar. Unë dua të ndaj me ju edhe shifra.

Topalli, takim me shqiptarë në New York/ "Të bashkojmë

Statistikat tregojnë se mesatarisht mbi 50 mijë persona emigrojnë nga Shqipëria çdo vit . Domethënë çdo vit largohet një qytet. Kjo e ka bërë Shqipërinë edhe më të vogël, por edhe më të plakur.

Të rinjtë janë në kërkim të një jete që nuk i kufizon ëndrrat e tyre. Ata e duan vendin, por ndihen të pafuqishëm përballë sfidave të përditshme, dhe ikja u duket shpëtimi i vetëm. Por çfarë ndodh me Shqipërinë që lënë pas?

Kur një i ri largohet, nuk humbet vetëm një qytetar humbet një shpresë për të ardhmen. Shkollat po boshatisen, ekonomia po dobësohet. Familjet po ndahen, dhe shpirti i bashkësisë sonë po copëtohet. Por unë besoj se ne mund ta ndryshojmë këtë situate.

Topalli, takim me shqiptarë në New York/ "Të bashkojmë

E kemi detyrim ndaj brezave që kanë sakrifikuar dhe ndaj atyre që do të vijnë. Le të punojmë së bashku për të ndërtuar një Shqipëri që i mban të rinjtë e vet, që u ofron mundësi, që i jep arsye edhe për të qëndruar. Na duhet të ndërtojmë një vend ku shpresa dhe mundësitë të jenë të pranishme për të gjithë. Për këtë na duhet edhe nje here ndihma juaj.

Në zgjedhjet e ardhshme, për herë të parë, diaspora do të ketë mundësinë të votojë nga jashtë. Mbase jeni mundesia kyçe që Shqipëria ka, për të mos rrëshqitur drejt zbrazjes të parikuperueshme.

Topalli, takim me shqiptarë në New York/ "Të bashkojmë

Zëri juaj duhet të dëgjohet dhe angazhimi juaj është jetik për të ndihmuar Shqipërinë të përmbushë premtimin e saj te humbur. Të dashur bashkëkombës, largimi nuk është një rrugë pa kthim. Le të bashkojmë forcat.

Le te votojme dhe të ndërtojmë një të ardhme ku të rinjtë tanë të ndihen të sigurt dhe të lumtur të jetojnë edhe në tokën e tyre. Shqipëria është vendi ynë i përbashkët dhe, vetëm së bashku, mund ta bëjmë atë të fortë dhe të begatë./ CNA

Topalli, takim me shqiptarë në New York/ "Të bashkojmë





Lajmet e fundit nga