web counter
LEXO PA REKLAMA!

SHKARKO APP

App Store
Google Play

Zgjedhjet parlamentare 2025/ Mediu zbulon pse i propozoi Begajt datën 4 maj

20 Nëntor 2024, 21:28, Politikë CNA
Zgjedhjet parlamentare 2025/ Mediu zbulon pse i propozoi Begajt datën 4 maj
Presidenti Bajram Begaj

Presidenti Bajram Begaj takoi këtë të mërkurë 4 përfaqësuesit e partive të vogla politike.

Pas takimit me Begajn, kreu i Partisë Republikane, Fatmir Mediu, zbuloi përse i propozoi Begajt datën 4 maj.

Ai deklaroi në një intervistë me Besard Jacajn se një nga arsyet është përdorimi nga kryeministri Edi Rama i raportit të Bashkimit Europian për interes elektoral.

“Kemi pasur diskutime me Partinë Demokratike se kush është data më e përshtatshme. Në interesin e opozitës sigurisht është data më e vonë, por duke pasur parasysh se kemi një qeveri që çdo moment tenton të manipulojë dhe të përdorë administratën dhe interesat kombëtare në shërbim të interesave elektorale, menduam që data 4 është data më e volitshme për disa arsye.

E para, pasi sipas një informacioni siç ndodh me kryeministrin Rama do të përdorë raportin e Bashkimit Europian për interes elektoral, po ashtu edhe momente të tjera që kanë të bëjnë me momentin e majtë për të bërë një lloj ndarje të opinionit publik dhe për të justifikuar atë që është evidente, manipulimin e procesit zgjedhor që tashmë ka nisur. Data më e përshtatshme e zgjedhjeve është data që nuk krijon asnjë lloj premise negative as për njërën as për tjetrën palë dhe prandaj ne propozuam datën 4”, u shpreh kreu i PR-së./ CNA





Lajmet e fundit nga