web counter
LEXO PA REKLAMA!

SHKARKO APP

App Store
Google Play

E fundit!

x

Vota e diasporës/ Kaso, kritika KQZ-së: Të zgjidhë problemin me postat

20 Nëntor 2024, 22:43, Politikë CNA
Vota e diasporës/ Kaso, kritika KQZ-së: Të zgjidhë problemin
Sekretari për çështjet zgjedhore në PD, Ivi Kaso

KQZ evidentoi disa ditë më parë se një nga problematikat për realizimin e votës së diasporës në zgjedhjet e 2025-ës është transporti i fletëve të votimit.

KQZ tha se asnjë prej operatorëve ndërkombëtarë të kontaktuar nuk merr përsipër në më pak se 30 deri 45 ditë sjelljen e zarfeve me fletët e votimit.

Sekretari për çështjet zgjedhore në PD, Ivi Kaso, shprehu kritika ndaj KQZ-së për këtë çështje.

Kaso tha në emisionin “Barometri” se KQZ-ja duhet të marrë përgjegjësinë ligjore dhe ta zgjidhë problemin me postat.

“Ne e kemi thënë nëpërmjet kryetarit të partisë që nëse zgjidhja ligjore, e amendimit ligjor, do të ishte zgjidhja e fundit dhe e përshtatshme që garantonte procesin, sigurisht që nuk do ta lëmë këtë proces të dështojë për aspekte teknike. PD është ajo që e ka kërkuar që ky proces të ndodhte që në vitin 2012 dhe tani duket sikur jemi në rrugën e realizimit për zgjedhjet e ardhshme dhe sigurisht ne që e kemi sjellë këtu këtë proces, nuk do ta lëmë të dështojë për teknikalitete apo çështje afatesh.

Megjithatë nuk është standart ndërhyrja në Kodin Zgjedhor në momentet e fundit para zgjedhjeve prandaj duhet të mësohemi të heqim dorë nga këto praktika dhe i takon KQZ-së të marrë përgjegjësinë ligjore dhe ta zgjidhë problemin me postat ndërsa ne si parti politike do të jemi në suport, nëse vërtet ka një alarm real”, theksoi ai./ CNA





Lajmet e fundit nga