web counter
LEXO PA REKLAMA!

SHKARKO APP

App Store
Google Play

E fundit!

x

Berisha, akuza Gjykatës Kushtetuese/ “Vendimi për masat i turpshëm, do e dërgoj në Strasburg”

21 Nëntor 2024, 19:50, Politikë CNA
Berisha, akuza Gjykatës Kushtetuese/ “Vendimi për masat i
Kryetari i Partisë Demokratike, Sali Berisha

Kryetari i Partisë Demokratike, Sali Berisha, komentoi vendimin e Gjykatës Kushtetuese për masat e sigurimit, ku shfuqizoi vetëm masën e “detyrimit të daljes nga vendi”.

Berisha tha në protestën e përnatshme të mbështetësve të tij se ky vendim është i turpshëm dhe dëshmon shkallën më të ulët të gjykimit dhe përgjegjësisë.

Sipas tij, vendimi i mbrëmjes së sotme e shpall Gjykatën Kushtetuese antikushtetuese.

Ai paralajmëroi se vendimin e sotëm të Gjykatës Kushtetuese do ta dërgojë në Strasburg.

“Kryetarja e Gjykatës Antikushtetuese doli në konferencë shtypi dhe informoi një vendim të turpshëm, një vendim që dëshmon shkallën më të ulët të gjykimit dhe të përgjegjësisë. Një vendim që është i barabartë me një të një gjykate fakti. Një vendim që Gjykatën Kushtetuese e shpall jokushtetuese, antikushtetuese.

Edhe njëherë miq, ndjehem krenar që mbrojta Kushtetutën, qëndrova kundër puçit që i bëri parlamentit një grusht horrash në organizatën kriminale të Skapit të partisë dhe gjykatësja me 5 mbiemra.

Mbrojtja Kushtetutën, ndarjen e pushteteve nga një puç i ulët. Kurse Gjykata Kushtetuese, në një vendim të turpshëm, quan joproporcional, nuk bën fjalë se i merret pushteti parlamentit me vendimin ekstrakushtetuese, ekstraligjor. Një kapitull tjetër i turpit, i paralajmëruar 10 ditë më parë nga Ulsi Manja me dokumente se Rama na njoftoi për vendimin që do merrej.

Sigurisht miqtë e mi, çështja është në Strasburg, por është e turpshme të dërgohet një vendim i tillë. Por në narkoshtet, siç e cilësoi rezoluta e 109 partive politike, nuk ka ligj, nuk ka Kushtetutë.

Narkoshteti ka vetëm vullnetin e narkodiktatorit dhe ky është vendimi i turpshëm që informoi sot, vendim në të cilin gjykata tregoi nivelin e saj mjeran. Shkeli Kushtetutën. Shkeli ligjin e vet. Shkeli ligj e vet si skllevër të diktatorit të narkoshtetit.”, theksoi Berisha./ CNA





Lajmet e fundit nga