web counter
LEXO PA REKLAMA!

SHKARKO APP

App Store
Google Play

E fundit!

x

Luli i lëpihet Berishës

21 Nëntor 2024, 17:31, Politikë CNA
Luli i lëpihet Berishës
Sali Berisha dhe Lulzim Basha

Lulzim Basha, kryetari pa parti ka filluar të dalë sërish në media, teksa po afrohen zgjedhjet parlamentare të 2025-ës.

Luli u braktis nga të gjithë, pasi përçau demokratët dhe humbi vulën e PD-së në Gjykatën e Apelit.

E gjitha kjo nisi pas vendimit të Bashës për të përjashtuar Sali Berishën nga Grupi Parlamentar i PD-së, pasi iu vendos sanksioni “non-grata”.

E pavarësisht se me këtë vendim përçau demokratët, Luli nuk shfaq pendesë për dëmin që i shkaktoi opozitës dhe vendit.

“Si mund të bëhem pishman për një vendim të cilin e kam marrë me sakrificë të madhe për një interes të madh publik dhe politik”, u shpreh ai në një dalje të fundit.

Megjithatë, pavarësisht përçarjes që shkaktoi, Luli vijon t’i lëpihet kreut të PD-së, Sali Berisha.

Luli tha se është një person luajal dhe mirënjohës.

Sipas tij, Berisha nuk mund të gjejë një person më etik se ai edhe sikur të ketë 10 jetë.

“Sali Berisha nuk ka gjetur dhe 10 jetë po të ketë person më etik, mirënjohës dhe luajal se Lulzim Basha në raportin profesional, politik dhe personal. Ajo që nuk kam pranuar dhe nuk pranoj kurrë për askënd, është të shkel mbi ato bindje pa të cilat nuk do të isha kurrë ky që jam. Dhe bindja e parë që gjykoj se më karakterizon në jetën politike, është që të mos vendos kurrë, asnjëherë interesin publik, interesin e shqiptarëve, poshtë interesit personal të kushdo qoftë”, nënvizoi Basha./ CNA





Lajmet e fundit nga