web counter
LEXO PA REKLAMA!

SHKARKO APP

App Store
Google Play

E fundit!

x

Dilemat e qeverisë për mbylljen e rrjeteve sociale/ Deputetja e PD-së: Cilin Ramë të besojmë?

21 Nëntor 2024, 09:59, Politikë CNA

Dilemat e qeverisë për mbylljen e rrjeteve sociale/ Deputetja e

Një ditë më parë kryeministri Edi Rama pas mbledhjes së qeverisë deklaroi se do të ketë një diskutim të gjerë me institucionet për ndalimin e "TikTok"-ut dhe "SnapChat"-it në Shqipëri.

Kjo masë vjen pas vrasjes me thikë të 14-vjeçarit M. C., pak ditë më parë.

Pas kësaj deklarate deputetja e PD-së, Dhurata Çupi, përmes një postimi në rrjetet sociale ngre pikëpyetjen se cilin version të kryeministrit duhet të besojmë, Ramën kundër "TikTok"-ut apo Ramën që promovimon "TikTok"-un duke treguar rëndësinë e tij globale.

“Cilin Ramë të besojmë? Ramën kundër 'TikTok'-ut, se e di që kështu mund të shuajë zemëratën e njerëzve për vrasjen e nxënësit 14-vjeçar apo Ramën që promovon 'TikTok'-un për të na treguar rëndësinë e tij globale? Fotot tregojnë se kemi 1 kryeministër me 2 qëndrime brenda 1 viti. E kam thënë shpeshherë, Edi Rama ndryshe flet, ndryshe vepron. Thotë se ka hulumtime që 'TikTok'-u është i dëmshëm. Kur është me ndikim kaq negativ te fëmijët dhe rinia pse hapi llogari në 'TikTok' dhe pse e mban ende atë llogari të hapur? U mbyll ose jo 'TikTok'-u kjo nuk e zgjidh problemin. Thjesht e mbulon dhe e lë të harrohet deri në tragjedinë e radhës”, shkruan Çupi./ CNA





Lajmet e fundit nga