web counter
LEXO PA REKLAMA!

SHKARKO APP

App Store
Google Play

Vendimi për Berishën/ Këlliçi: “Kushtetuesja”, vegël qorre e regjimit

22 Nëntor 2024, 11:48, Politikë CNA
Vendimi për Berishën/ Këlliçi: “Kushtetuesja”,
Belind Këlliçi

Drejtuesi politik i PD-së për Tiranën, Belind Këlliçi, ka komentuar vendimin e Gjykatës Kushtetuese për çështjen e Sali Berishës duke thënë se vendimi është shkruar nga paradhoma e Edi Ramës dhe se gjykata sapo vërtetoi se ky institucion është kthyer në vegël qorre të regjimit.

Sipas Këlliçit, për t'i bërë qokën SPAK-ut, Gjykata Kushtetuese rrëzoi Nenin 73 të Kushtetutës, mori kompetencat e Kuvendit të Shqipërisë dhe rrëzoi Kushtetutën e Shqipërisë, duke vendosur një precedent të frikshëm për cilindo opozitar të nesërm.

Ai tha se Rama është i vetmi kryeministër, i cili ka burgosur 3 drejtuesit kryesorë të opozitës.

Drejtuesi politik i PD-së për Tiranën, Belind Këlliçi thekson se këtë bilanc të kryeministrit do ta kishte zili dhe vetë Lukashenko i Bjellorusisë, aleati më i ngushtë i Putinit.  

“Gjykata Antikushtetuese, me vendimin e fundit tërësisht antiligjor dhe të shkruar nga paradhoma e Edi Ramës, vërtetoi as më pak e as më shumë se ky institucion tashmë është kthyer në vegël qorre e regjimit!

Vetëm për t'i bërë qokën SPAK, Gjykata Kushtetuese rrëzoi Nenin 73 të Kushtetutës, mori kompetencat e Kuvendit të Shqipërisë e rrjedhimisht rrëzoi Kushtetutën e Shqipërisë, duke vendosur një precedent të frikshëm për cilindo opozitar të nesërm!

Afërmendsh që në vijim të luftës politike kundër PD dhe opozitës, nuk mund të mungonte dhe vendosja në rresht e kësaj gjykate e cila tashmë ka humbur çdo legjitimitet duke dalë hapur në fushë si një lojtar politik, që ruan interesin e pushtetit.

Edi Rama mund të ndjehet krenar se tashmë është i vetmi kryeministër i cili ka izoluar, burgosur dhe goditur 3 drejtuesit kryesorë të opozitës në vend dhe deputetë e funksionarë të tjerë anti qeveritarë.

Këtë bilanc të tijin me siguri e ka zili dhe vetë Lukashenko i Bjellorusisë, aleati më i ngushtë i Putinit, me të cilin darkonte vetëm 1 javë më parë!”, shkruan Këlliçi./ CNA





Lajmet e fundit nga