web counter
LEXO PA REKLAMA!

SHKARKO APP

App Store
Google Play

Shpopullimi/ Garo ngre shqetësimin: Shifrat janë të frikshme

22 Nëntor 2024, 10:01, Politikë CNA

Shpopullimi/ Garo ngre shqetësimin: Shifrat janë të frikshme

Zëdhënësja e Partisë Demokratike, Floriana Garo, gjatë një interviste televizive është shprehur se shifrat e shpopullimit në vend janë të frikshme.

Sipas Garos, ajo çfarë mund t’u ofrohet shqiptarëve të larguar është ndryshimi i sistemit, për t’u siguruar atyre kushtet dhe mundësitë e një jete më të mirë dhe duke ngritur zërin ndaj çdo padrejtësie. 

“Shpopullimi skandali më i madh që kemi, shifrat janë të frikshme. Shqiptarët janë jashtë tani, dhe po u bëjmë thirrje për të vendosur mbi fatin e Shqipërisë kur janë jashtë, është shumë ironike ta mendosh. Është plagë e rëndë, kur të ardhmen s'e ke në Shqipëri me të afërmit e tu, po e sheh jashtë. E kam përjetuar vetë emigracionin dhe atëherë ishte disi më e pranueshme, e pafalshme që të vazhdojë e njëjta rrethanë me më shumë shifra. Shqipëria ishte një shpresë më shumë, kur jam rikthyer në kohën e PD-së. Shihnim një të ardhme të ndritur atëherë. Këto vitet e fundit çdo të ri që takon, më thonë që shpëtimin e shohin jashtë. Kjo është shumë e trishtë.

Duan të kthehen për sa kohë shohin ndryshim në Shqipëri. Jetën jashtë e shohin të përkohshme dhe do të kthehen, nëse do të ketë ndryshim në vendin tonë. Më parë ikin për pamundësi ekonomike. Por tani po ikën shtresa e mesme, jo vetëm për ekonomi, por edhe për shëndetësinë, arsimin që është në nivelet më të ulëta. Për një familje që do të shkollojë fëmijët në universtitet jashtë. Po ikin dhe prindërit për t’i dalë krah fëmijës, për ta mbështetur, që të mos jetë vetëm. Ideja dhe dëshira për t’u rikthyer në Shqipëri është.

Të rregullojmë gjërat në Shqipëri, pa u ndryshuar ky sistem i kalbur në drejtësi, arsim e shëndetësi. Buxheti duhej të investohej në sektorë ku bazohet jeta e qytetarëve. Edhe ata që janë mirë këtu, ndoshta më vonë do të ikin. Duhet të ngremë zërin për çdo padrejtësi. S’ka vend më mirë se Shqipëria. Në arrijmë ta bëjmë diferencën këtu”, tha Garo./ CNA





Lajmet e fundit nga