web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Vendimi i Kushtetueses u mor pas bisedës mes Manjës, Gjiknurit dhe një biznesmeni

21 Nëntor 2024, 21:21, Politikë CNA
Berisha: Vendimi i Kushtetueses u mor pas bisedës mes Manjës,
Kryetari i Partisë Demokratike, Sali Berisha

Kryetari i Partisë Demokratike, Sali Berisha, foli sërish për vendimin e Gjykatës Kushtetuese, e cila nuk e nxori nga arresti i shtëpisë.

Berisha tha në një intervistë me Çim Pekën se vendimi i sotëm u mora pas një bisede mes ministrit të Drejtësisë, Ulsi Manja, Damian Gjiknurit dhe një biznesmeni.

Ai deklaroi se e posedon të gjithë bisedën mes tyre, por nuk i tregoi mesazhet.

“Unë kam një gjykim të pandryshueshëm për realitetin shqiptar. Kjo është një narkodiktaturë që nuk ndjek asnjë rregull. Pra, në një narkodiktaturë, nëse ti pret zbatim ligjesh, Kushtetute, është faji yt, është një tallje me veten tënde.

Unë nga mëngjesi gjer në darkë u përsëris shqiptarëve se kjo është një narkodiktaturë. Narkodiktaturat nuk janë gjakësorë, por janë më të këqija se nuk ndjekin asnjë rregull, asnjë parim dhe ja si janë.

Ato lajme që i keni publikuar, i kam të gjitha në telefon. M’i kanë sjellë sapo është zhvilluar biseda mes Ulsi Manjës, Gjiknurit dhe një biznesmeni. Nuk ishte asnjë surprizë për mua. Kjo Gjykatë Kushtetuese ka bërë suicid juridik. Ajo ka bërë suicid që kur u shpreh se nuk legjitimohet grupi parlamentar për t’u ankuar në Kushtetuese. Një verbëri militante, një injorancë ekstreme juridike.

Në një akt të pashembullt, antikushtetues, antigjykatë, u shprehën se këtë të drejtë e ka parlamenti. Mirëpo parlamenti është një korpus me disa pjesë. Ka administratën, drejtuesit, kryetarin, ka grupet parlamentare, ka deputëtët. Të pretendosh se këtë të drejtë e ka parlamenti, nuk ka injorancë më të pakufishme”, theksoi ish-kryeministri./ CNA





Lajmet e fundit nga