E fundit!

20:09 Politikë

Konferenca ndërqeveritare në Bruksel/ Kos: Mbyllja e tre kapitujve, moment i madh për Shqipërinë

Komisionerja europiane për Zgjerimin, Marta Kos ka përgëzu...

KLSH konstaton dhjetëra shkelje/ PD: Të dorëhiqet kryebashkiakja e Durrësit, Emirjana Sako

23 Nëntor 2024, 12:28, Politikë CNA

KLSH konstaton dhjetëra shkelje/ PD: Të dorëhiqet kryebashkiakja

Zëdhënësja e Antikorrupsionit në PD, Genta Vangjeli

PD denoncoi këtë të shtunë se KLSH ka konstauar dhjetëra shkelje në Bashkinë e Durrësit, në një raport auditi të zhvilluar pranë këtij instucioni.

Zëdhënësja e Antikorrupsionit, Genta Vangjeli tha se Bashkia e drejtuar nga Emirjana Sako, vetëm në vitin 2022 ka lejuar ushtrim aktiviti nga subjekte private në pasuri shtetërore pa Kontratë-Qiraje.

Ajo deklaroi se janë konstatuar 34 raste ndërtime pa leje dhe nga 119 vendime për “Prishje e Objektit të Kundërligjshëm”, janë të ekzekutuara vetëm 25 vendime.

Vangjeli kërkoi dorëheqjen e menjëhershme të Emirjana Sakos dhe nisjen e hetimeve nga SPAK për shkeljet e identifikuara nga KLSH.

Denoncimi i plotë:

Denoncimet e vijueshme të PD për performacën e kryebashkiakes së Durrësit Emirjana Sako, i ka vërtetuar plotësisht Kontrolli i Lartë i Shtetit, i cili në raportin e fundit të auditimit (2024) ku vetëm për vitin 2022 ka identifikuar:

1. Bashkia Durrës, ka lejuar ushtrim aktiviti nga subjekte private në pasuri shtetërore pa Kontratë-Qiraje;

Bashkia Durrës

2. 34 raste ku edhe pse ka procesverbal konstatimi për ndërtime pa leje, nuk është vjiuar procedura brenda afatit për nxjerrjen e vendimit për “Prishje Objekti të Kundërligjshëm” dhe vendimit për “Dënim me Gjobë”;

3. Nga 119 vendime për “Prishje e Objektit të Kundërligjshëm”, janë të ekzekutuara vetëm 25 vendime;

4. “Urdhërat e Ekzekutimit” për prishjen e objektit të kundërligjshëm, nuk zbatohen duke vijuar me prishjen e objekteve me justifikimin se mjetet ekskavator mund të dalin jashtë përdorimit gjatë procesit të ekzekutimit

5. Vendime “Për Dënimin me Gjobë” të pa likujduara.

6. Detyrime në vlerën 7.3 milion euro, dhe për pakësimet e tyre nga Bashkia Durrës nuk administrohet asnjë dokument për vlerën e pakësuar;

7. Kontrata qiraje të cilat nuk zbatohen por tejkalojnë hapsirat publike të përcaktuara në to duke sjellë mungesë të ardhurash;

8. Administrimi dhe mbledhja e taksave dhe tarifave vendore në mosrespektim të menaxhimit financiar dhe kontrollit;

KLSH

9. Nga auditimi i 6 procedurave të prokurimit publik gjatë vitit 2022 me vlerë totale 5.2 milion euro, janë gjetur shkelje për përllogaritje të gabuar e fondit limit, hartim i kritereve për kualifikim të paargumentuara, janë skualifikuar padrejtësisht OE me ofertat më të ulëta, dhe janë kualifikikuar OE të shpallur fitues në mospërmbushje të kritereve të kualifikimit;

10. Nga auditimi i zbatimit të punimeve të ndërtimit të 7 kontratave për punë publike, me vlerë totale prej 2.8 milion euro, rezultuan punime ndërtimi të pakryera;

11. Përdorim pa efektivitet të fondeve në Bashkinë Durrës;

12. Taksat e ndikimit në infrastrukturë janë përllogaritur në mënyrë të parregullt;

13. “Depozitimi i mbetjeve urbane”, me vlerë të kontratës 2.8 milion euro pa tvsh , realizuar nga OE “Integrated Energy BV spv ” (për 12 muaj), rezultoi se në kontratë nuk ekzistojnë specifikime teknike të detajuara, nuk ka një peshore dhe as persona përgjegjës për peshimin e mbetjeve para transportit për në Landfill-in e Sharrës, duke mbartur riskun për shifra fiktive të ardhura nga Furnizuesi dhe për pagesa të pajustifikuara.

14. Bashkia Durrës, përfaqësuar nga titullari institucionit, si personi i ngarkuar nga ligji, nuk ka kryer ekzekutimin e Vendimit Gjyqësor të Formës së Prerë.

Emirjana Sako

15. Titullari i Bashkisë Durrës nuk ka ngritur komision për nxjerrjen jashtë përdorimit të aktiveve, duke sjellë si pasojë moskryerjen e procedurës së nxjerrjes jashtë përdorimi dhe asgjesimit të aktiveve etj…

Për sa më lart KLSh ka dhënë :

– 39 masa organizative;

– 7 masa për shpërblim dëmi;

– 7 masa për masa për uljen e borxhit tatimor;

– 3 masa për eleminimin e efekteve negative të konstatuara në administrimin e fondeve publike;

– 39 masa disiplinore duke filluar nga vërejtja deri tek largimet nga puna, por edhe largimi nga shërbimi civil.

Çfarë duhet të bëjë më tepër Emirjana Sako …..

Partia Demokratike kërkon dorëheqjen e menjëhershme të KB së Durrësit Emirjana Sako dhe kërkon nga SPAK nisjen e hetimit për të gjitha shkeljet e identifikuara më lart./ CNA